هێمن هەورامی: دێ پێداچوونێ ب ڕەوشا ساخله‌میێ هێته‌ كرن

جێگرێ سه‌رۆكێ پەرلەمانێ کوردستانێ ئەڤڕۆ پێنجشەمبى دگەڵ لژنەیا ساخله‌میێ  و ژینگەهێ و مافێن بکاربەران ل پەرلەمانێ کوردستانێ سەردانا وەزارەتا ساخله‌میێ کرییه‌ و د پرێس کۆنفرانسه‌کی دا به‌حسێ هەماهەنگی و هه‌ڤکارییا د ناڤبه‌را پەرلەمان و وەزارەتا ساخله‌میێ وپێداچوون بۆ پرسا ساخله‌میێ ل هەرێما کوردستانێ کر.

هێمن هەورامی، ئەڤڕۆ پێنجشەمبى ٢٥ی٢ی٢٠٢١ د پرێس کۆنفرانسه‌کێ هه‌ڤپشك دا دگەڵ سامان بەرزنجی وەزیری ساخله‌مییا حکوومەتا هەرێما کوردستانێ ڕاگەهاند: ئێكه‌م ئارمانجا ڤێ سه‌ره‌دانێ هه‌ماهه‌نگییا به‌رده‌وام یا وه‌زاره‌تا ساخله‌میێ دگه‌ل لژنا ساخله‌میێ ل په‌رله‌مانێ كوردستانێ هه‌یى، بۆ پتر بهێزكرنا ڤێ هه‌ماهه‌نگیێ و دانانا میكانیزمه‌كێ د ناڤبه‌را ده‌ستهه‌لاتا یاسادانانێ ب رێكا لژنه‌كا تایبه‌تمه‌ند دگه‌ل وه‌زاره‌تا ساخله‌مییا حكومه‌تا هه‌رێما كوردستانێ مه‌ په‌یوه‌ندیێن باش هه‌نه‌.

جێگرێ سەرۆکێ پەرلەمانێ کوردستانێ گۆت ژى: خاله‌كا دى بۆ مه‌ وه‌ك په‌رله‌مان ب رێكا لژنه‌كا تایبه‌تمه‌ند ئه‌وه‌ كو ب هه‌لسه‌نگاندنه‌كا هویر پێداچوونێ بۆ وان خالێن كابینا نه‌هێ یا حكومه‌تا هه‌رێما كوردستانێ بكه‌ین كو ل په‌رله‌مانى ده‌نگ ل سه‌ر هاتییه‌ دان، ئێك ژ خالێن دى ژى ئه‌وه‌ كو پێداچوونا پرۆسه‌یا یاسایا چاكسازیێ ب شێوه‌كێ گشتى، چونكى ئه‌و یاسایه‌ و پێداچوونه‌ ب تنێ ئێك وه‌زاره‌تێ ب خوه‌ڤه‌ ناگریت.

هه‌روه‌سا سامان به‌رزنجى گۆت ژى ئه‌و د ڤێ سه‌ره‌دانێ دا ب دوو راپۆرتێن جودا به‌رسڤا هه‌موو ئه‌وان پێداچوونان و ئه‌و بریارێن په‌رله‌مانێ كوردستانێ و لژنا مه‌ یا ساخله‌مییێ دایه‌ و ئێك ژ وان راپۆرتا گشتى بوویه‌ ده‌رباره‌یى ره‌وشا ساخله‌میێ ل هه‌رێما كوردستانێ، و یا دى ژى سه‌باره‌ت ره‌وشا نوكه‌ یا په‌ژیكا كۆرونایێ كوڤید 19 بوو، هه‌روه‌سا گۆت ژى، وان په‌ژیكا نوو یا كۆرونایێ  ژى گۆتوبێژ كرن.