كۆچكا سپى ئاشكه‌راكر، نێزیكى 8 هزار دیاری بۆ دۆنالد ترامپ، سه‌رۆكێ پێشتر یێ ئه‌مریكا و هه‌ڤژینا وى هاتبوونه پێشكێشكرن.
پشتى ب داوی هاتنا ده‌می سه‌رۆكاتییا سه‌رۆكان، كۆچكا سپى یا ئه‌مریكا ئه‌وان دیاریێن بۆ سه‌رۆك و خێزانێن وان هاتین كو دبنه مۆلكێ ده‌وله‌تێ، ئاشكه‌را دكه‌ت، كۆچكا سپى دیاركر، دده‌ما سه‌رۆكاتییا دۆنالد ترامپى دا، نێزیكى 8 هزار دیارییان بۆ وى و هه‌ڤژینا وى هاتینه پێشكێشكرن.
ل گۆره‌ى راپۆرته‌كا سكاى نیوز، ئێك ژ گرانبهاترین دیارییان كورسییه‌ك بوو كو ل سالا 2018 عه‌بدولفه‌تاح سیسى، سه‌رۆككۆمارێ مسرێ پێشكێشى میلانیا ترامپی كربوو و نه‌خشێ كورسییێ ژ ئالیێ دیزاینه‌رێ مسرى، شوششه كه‌مالی ڤه هاتییه نه‌خشاندن.
