سەرۆکێ لژنا نەفت و گازان ل دهۆکێ داخاز ژ پەرلەمانی دکەت بهایێ بەنزینێ کێم بکەن
عەبدولسەمەد تێلی، سەرۆکێ لژنا نەفت و گازان ل جڤاتا پارێزگەها دهۆکێ تایبەت بۆ خانی نیوز راگەهاند: گڕانبوونا بهایێ پانزینێ ل پارێزگەها دهۆکێ گرێدای گرانبوونا بازارێن جیهانییە، هەروەسا گرێدای هەبوون و نەبوونا پانزینێ یە د ناڤ بازاری دا کو ئەڤە ئەگەرن بۆ گرانبوونا بهایێ پانزینێ.
عەبدولسەمەد تێلی گۆتژی، ئەو وەکی لژنا نەفت و گازێ جڤاتا پاڕێزگەها دهۆکێ کارێ وان ئەوە کو چاڤدێرییا وان دەزگەهان بکەن یێن حکومەت چاڤدێریا کوالیتی و بهایێ وان د ناڤ بازاری دا دکەت و داخاز ژ لیژنا نەفت و گازان ل پەرلەمانێ کوردستانێ کر کو دیڤچوونەکا ڤێ چەندێ بکەن ژبەرکو دیڤچوونا بازارێ سووتەمەنیێ گرێدای پەرلەمانییە.
ناڤبری دیارکرژی، ل وەرزێن دەرکەفتن و گەرمێ دا بهایێ پانزینێ گران دبیت، ئەڤەژی بۆ وێ یەکێ ڤەگەراند کو خواستەکا زۆرتر ل سەر هەیە ل ڤان وەرزان ژ لایەکێ دیژی ڤە ژ بەر بکارئینانا تەبریدا ترۆمبێلان کو ئەڤەژی ڕێژەکا زورتر یا پانزینی دبەت، گۆت ل زستانان 800 هزار لیتران تێرا پارێزکەها دهۆکێ دکرن لێ د وەرزێ هاڤینێ نزیکی ملیونەک و 400 هزار لیتران تێرا پارێزگەها دهۆکێ نەکرن
