ئارمانج نێروەی، جێگرێ سەرۆکا کۆمەلا دوستایەتییا کورد و ئەلمانی تایبەت بۆ خانی نیوز دیارکر، کۆمەلا وان گرێبەستەک دگەل قوتابخانە و ئەکادیمییا بیلدونکس ڤێرد یا ئەلمانی کریە و ھەماھەنگی دگەل کۆنسلخانا ئەلمانی ل ھەولێرێ کریە بۆ وان قوتابین پۆلا شەشێ ل ھەرێمێ ب دووماھیک ئیناین و دخوازن ل زانینگەھەکا وەلاتێ ئەلمانیا بھێنە وەرگرتن ئەو قوتابی دشێن ب ریکا کۆمەلا وان پێشکێشی زانینگەھێن وەلاتێ ئەلمانیا بکەن.ئارمانج نێروەی گۆت ژی، ماوێ حەفتیەکێ یە وان دەست ب ناڤ نڤێسینا قوتابیان کرییە و دیارکر ژی؛ ئەو قوتابیێ پێشکێشی زانینگەھەکا وەلاتێ ئەلمانی بکەت ب رێکا کۆمەلا دۆستایەتییا کورد و ئەلمانی پێدڤیە ئاستێ وی یێ زمانی ئەی وەن A1 بیت داکو بشێن ب ساناھی وەرگرن و ل وی وەلاتی باشتر فێری زمانی ببیت.
