<h3 style="text-align: justify;"><span style="font-size: 18pt;"><strong>ئەندامه‌كا پەرلەمانێ کوردستانێ راگه‌هاند، ل هەرێما کوردستانێ 34 هزار کۆمپانیێن کەرتێ تایبەت هەنە و هه‌كه 50%ێ ده‌لیڤێن کارى بۆ دەستێ کارێن ناڤخوه بهێنه ته‌رخان كرن، دشێت ده‌رفه‌تێن كاركرنێ بۆ ته‌ماما ده‌رچوویێن نه‌دامه‌زراندى په‌یدا بكه‌ن.</strong></span></h3> <h3 style="text-align: justify;"><span style="font-size: 18pt;">رووپاک ئەحمەد ئاشكرا كر، كو 34 هزار كۆمپانى ل هه‌رێما كوردستانێ هه‌نه، هه‌كه بتنێ ئه‌و كۆمپانی 50% كرێكارێن ناڤخوه دامه‌زرینن، دشێن هه‌موو ده‌رچوویێن نه‌هاتینه دامه‌زراندن ل زانكۆ و په‌یمانگه‌هان ده‌لیڤێن كارى بۆ په‌یدا بكه‌ن.</span></h3> <h3 style="text-align: justify;"><span style="font-size: 18pt;">دوهى شنۆ ئەشقی، ئەنداما پەرلەمانێ کوردستانێ، راپۆرته‌ك ل دۆر ڕێژەیا بێکاریێ ل هەرێما کوردستانێ پێشکێشى پەرلەمانێ کوردستانێ کر و تێدا چارەسەریی بۆ ئاریشه‌ییا بێكاریێ دیاركرینه.</span></h3> <h3 style="text-align: justify;"><span style="font-size: 18pt;">ل گۆره‌ى ئاماریێن وەزارەتا پلاناندانا حکومەتا هەرێما كوردستانێ، رێژەییا بێکاریێ ل هەرێما کوردستانێ 9%، ب هزرا وێ پەرلەمانتارێ ژى بۆ چارەسەركرنا ئاریشێن بێکاریێ ل هەرێمێ، پیدڤییه جڤاتا وه‌زیران راسته‌وخۆ سه‌رپه‌رشتییا په‌یداكرنا ده‌لیڤێن كارى بكه‌ت بۆ ده‌رچوویێن په‌یمانگه‌هـ و زانكۆیان ل كه‌رتێ تایبه‌ت، ئه‌ڤه ژى ب رێكا ڤه‌كرنا فه‌رمانگه‌هێن شیاندن و بكارخستنا ده‌ستێن كارى د كه‌رتێ تایبه‌ت دا دێ دروست بیت.</span></h3>
