جڤاتا بلند یا دادوەری ل ئێراقێ راگەهاند، نێزیكی نیڤا گەنجێن ئێراقێ هۆگرێن مادێن هشبه‌رن، به‌لێ ئه‌ڤ رێژەیە ب نه‌دیاری مایە و نه‌هاتییه ئاشكرا كرن.
جڤاتا بلند یا دادوەری ل ئێراقێ ژ زارده‌ڤێ نەبیل تائی، دادوەرێ دادگه‌ها ڤه‌كۆلینی ل باژێرێ بابل ئاشكرا كر، رێژا بكارئینانا مادێن هشبه‌ر دناڤا گەنجێن ئێراقێ دا، دگه‌هیتە نێزیكی ٥٠٪ یا سه‌ر جه‌مێ گه‌نجین وه‌لاتى، ئه‌و یه‌ك ژى بۆ خرابییا ره‌وشا ئابووری یا ئێراقێ ڤه‌گه‌راند.
نه‌بیل تائى گۆت ژى، ئەوێن بازرگانیێ ب مادێن هشبه‌ر دكه‌ن و بازاری بۆ پەیدا دكەن ل هەموو ده‌ڤه‌رێن ئێراقێ د چالاكن، ل گه‌ل هندێ ژى رێژەیا ٧٠٪ یا وان ل ده‌ڤه‌رێن هەژارنشینن.
