جڤاتا ئاساییشێ داخوازا بجهئینانا برگێن بودجا ئیراقێ كر

جڤاتا ئاساییشا ناڤده‌وله‌تى ئه‌ركێ نوونه‌راتییا نه‌ته‌وه‌یێن ئێكگرتى ل ئیراقێ درێژ كر و هنده‌ك داخوازى ژ حكومه‌تێن هه‌رێمێ و ئیراقێ كرن.

ل گۆره‌ى بریارا جڤاتا ئاساییشا ناڤده‌وله‌تى یا هه‌ژمار 2576 و ل 27 گولانا 2021ێ ده‌ركه‌فتى و خالا په‌یوه‌ندى ب هه‌رێما كوردستانێ ڤه‌، جڤاتا ئاساییشێ داخواز ژ نوونه‌را نه‌ته‌وه‌یێن ئێكگرتى و یونامى كر، هاندانا حكومه‌تێن ئیراقێ و هه‌رێما كوردستانێ بكه‌ن كو رێككه‌فتنا بودجه‌یا 2021ێ ب ته‌مامى بجهـ بینن و دانوستاندنێ ژى بكه‌ن بۆ وێ یه‌كێ ل سه‌ر پرسێن گرنگ رێككه‌ڤن.

جڤاتا ئاساییشێ داخواز ژ نوونه‌را نه‌ته‌وه‌یێن ئێكگرتى و یونامى كر ژى، هاریكارییا حكومه‌ت و جڤاتا نوونه‌رێن ئیراقێ بكه‌ن بۆ بجهئینانا ده‌ستوورى و چاره‌كرنا ئاریشا ده‌ڤه‌رێن كوردستانى یێن ده‌رڤه‌ى ئیدارا هه‌رێمێ.