پێشه‌وا هه‌ورامی: گەهشتنا پارەیێ ژ بەغدا لێبڕینا مووچه‌ى نامینیت

پێشه‌وا هه‌ورامی، په‌یڤدارێ فراكسیۆنا پارتی ل په‌رله‌مانێ كوردستانێ راگەهاند، هەرچەندە ئاریشێن دناڤبه‌را هەولێر و بەغدا دا بتنێ پرسا مووچە نینه‌، به‌لێ چارەسەرییا ئاریشه‌ێن دارایی دێ بیتە ده‌ستپێكه‌كا باش بۆ چارەسەرییا ئاریشه‌ێن دى ژى، هیڤیدارین ژى ب گەهشتنا پارەیێ ژ بەغدا لێبڕینا مووچه‌ى نامینیت.

پێشه‌وا هه‌ورامی د پرێسكونفرانسه‌كیدا ئاماژه‌ دا، پشتى ماندووبوونه‌كا زۆر و ئەنجامدانا چەندین کۆمبوونان دناڤبه‌را شاندێ دانوستانکارێ هەرێمێ دگەڵ حکومەتا ئیراقێ، دواى جار بڕیار هاته‌ دان، كو كۆژمه‌كێ بودجه‌ى بۆ هەرێما کوردستانێ بهێته‌ ره‌وانه‌كرن، کو دێ بیته‌ ده‌ستپێكه‌كا باش بۆ چارەسەرییا ئاریشه‌یێن دى ژى.

 ئەو ژى دیار كر، ئه‌و خۆگونجاندنا پێشتر بۆ دابه‌شكرنا مووچه‌یێ فه‌رمانبه‌ران ژ لایه‌نێ حكومه‌تا هه‌رێما كوردستانێ ڤه‌ دهاته‌ په‌یره‌وكرن‌، ژبه‌ر ئه‌وێ ره‌وشا دارایی بوو كو‌ حكومه‌ت تێدابوو، ژبه‌ر هندێ ب ناچاری لێبڕینا مووچه‌ى هاته‌ په‌یڕه‌و كرن، د نها دا د گه‌شبینین دگه‌ڵ هاتنا پشكا هه‌رێمێ، كێشه‌یێن لێبڕینا مووچه‌ نه‌مینیت.