لێبۆرینا باجێ ژ چ کۆمپانیان ناگریت
رێڤه‌به‌رییا گشتییا باجێ و خانووبه‌رێن میرى ل هه‌رێما كوردستانێ، بۆ خانى نیوز راگه‌هاند، كو هه‌موو كۆمپانیێن نه‌فتا سیكیوریتى ئه‌وا كرێكارێن بیانى ل كه‌رتێ نه‌فتا هه‌رێما كوردستانێ كاردكه‌ن و لێبورین بۆ چ كۆمپانییان نه‌ماینه، ئاماژه دایه ژى، هه‌یڤا تیرمه‌ها داهاتى و وه‌رگرتنا باجێ ژ هوتێل و رێستۆرانتان و هه‌یڤا ته‌باخێ یا نه‌خۆشخانێن ئه‌هلى دێ هێنه جێبه‌جێكرن.
كه‌مال ته‌یب، رێڤه‌به‌رێ گشتیێ باجێ و خانووبه‌رێن میرى ل هه‌رێما كوردستانێ دیاركر، كو نها ئه‌و كۆمپانێن كه‌رتێ وزێ و ب تایبه‌ت نه‌فت و غازێ ل هه‌رێما كوردستانێ كاردكه‌ن ل گه‌ل كرێكارێن كه‌رتى و كۆمپانیێن سیكویریتییان ژى باجێ د ده‌ن ڤه‌كولین دێ ل سه‌ر حیسابا وان هێته كرن و لێبورین ژ باجێ بۆ چ كۆمپانییه‌كێ نه‌مایه.
کەمال تەیب گۆتى ژى،ده‌ستپێكا هه‌یڤا تیرمه‌هێ بڕیارا وەرگرتنا باجێ ژ هۆتێل و مۆتێل و جهێن گەشتیاری و رێستۆرانتان دێ هێنه جێبەجێكرن و ب رێژەی 10٪ دێ چێتە سەر مینۆ و پلیتێن داوییا حساباتان.
دیار ژى كر، ل ده‌ستپێكا هه‌یڤا ته‌باخێ ب رێژه‌ییا 5% باج دێ چیته سه‌ر پسووله‌یا ئه‌وا خزمه‌تگۆزارییان ل نه‌خۆشخانه‌یان دێ پێشكێشكه‌ن، و ئه‌ڤه ژى ناچیته سه‌ر بكاربه‌ر و خه‌لكى، به‌لكى ژ نه‌خۆشخانه‌یان دێ هێنه وه‌رگرتن و ل دووڤ خزمه‌تگۆزارییان.
کەمال تەیب گۆتى ژى، “ئەو رێژەیا باجێ دێ چێتە سەر خزمەتگوزاریێن وەکو نەشتەرگەری، پشکنین، به‌لێ ناچێتە سەر نەخۆشى.
دا دیاركرن ژى، كو وەرگرتنا باجێ ژ کۆمپانیێن پەیوەندیکرنێ و ئینتەرنێتێ ژلایێ ئەوان ناهێته وه‌رگرتن وكرینه دناڤ رەشنڤیسا بوودجەیێ ئەڤساڵە و پاشى ل پەرلەمانێ دێ هێته یه‌كلاكرن.
