سوپایێ ئەمریکا راگەهاند، كو داویا وەرزێ هاڤینێ یەکەیەکا نوو یا هێزێن خوه دێ هنێریته هەولێرێ و پاڵپشتییا هێزێن هاڤپەیمان کەن و ئەرکێ وان پاراستنا سەقامگیریێ و هەروەسا چاڤدێریکرنا لڤینێن داعشێ بیت.
فرقه‌یا پیادا چوارێ یا لیوایا شه‌ركه‌رێن ئێكێ یا سترایكه‌ر ئه‌و هێز بوون، كو 18 سالان به‌رى نوكه ل دووڤ سه‌دام حوسێنى سه‌رۆكێ رژێما چوویا ئیراقێ د گه‌ریان و پاشى هاته دیتن و ده‌سته سه‌ر كرن، دێ هێنه هه‌ولێرێ.
به‌لاڤبوونا فرقه‌یا پیادا چوارێ یا لیوایا شه‌ركه‌رێن ئێكێ یا سترایكه‌ر ل عیراقێ و هه‌رێما كوردستانێ د ده‌مه‌كیدایه، كو هێرشێن چه‌كدارى بۆ سه‌ر په‌رژه‌وه‌ندیێن ئه‌مریكا ب شێوه‌یه‌كێ به‌رچاڤ زێده كرییه، ژ ده‌ستپێكا سالێ وه‌ره ب ده‌هان هێرش كرینه سه‌ر بنگه‌ه و باره‌گایێن ئه‌مریكا ل عیراقێ و هه‌رێما كوردستانێ و د 48 ده‌مژمێرێن بوریدا 4 هێرش هاتینه كرن.
ئه‌ڤ هێزه ل بنگه‌هێ فۆرت كارسۆنن ل ویلایه‌تا كۆلۆرادۆ، كو 1800 سه‌ربازان ب خوه‌ڤه دگریت، ئه‌و سه‌ربازه دێ جهێ فرقه‌یا 256 یا پیادا تیما به‌رهنگاربوونێ دێ گرن كو دناڤ یه‌كه‌یا پاسه‌وانێن نیشتمانى لیوزیانا ڤه هاتینه و دێ ڤه‌گه‌رنه‌ڤه ئه‌مریكا،ئه‌و ژى ل كانینا دوێ یا سالا 2020ێ ل هه‌ولێرێ جهگیر ب بوون و جهێ فرقه‌یا ئه‌سمانییا 82ێ یا ئه‌مریكییان گرتبوو.
