سه‌رۆكێ ئه‌مریكا و سه‌رۆكوه‌زیرێن ئیراقێ ل رۆژا دوشه‌مبیێ دێ ل كۆچكا سپی كۆمبن و پرسا ڤه‌كێشانا هێزێن ئه‌مریكی ژ ئیراقێ ئێكلاكه‌ن.
جین ساكی، په‌یڤدارێ كۆچكا سپی راگه‌هاند؛ جۆ بایدن رۆژا دوشه‌مبیێ دێ ل كۆچكا سپی پێشوازیێ ل موسته‌فا كازمی كه‌ت، ئه‌ڤه ژی د چارچۆڤێ گه‌را چارێ یا گۆتوبێژێن دناڤبه‌را هێزێن ئه‌مریكا و ئیراقێ دایه و پرسا ڤه‌كێشانا هێزێن ئه‌مریكا ژ ئیراقێ ئه‌ڤجاره دێ ل كۆچكا سپی هێته ئێكلاكرن.
ژ ئالییه‌كێ دی ژی قاسم ئه‌عره‌جی، شیره‌تكارێ جڤاتا ئێمناهییێ و ئه‌ندامێ شاندێ ئیراقێ ل واشنتۆنێ دیاركرییه، ئیراقێ ئێدی پێدڤی ب هێزێن ئه‌مریكی نینه و ل 31 یێ مه‌ها كانوونا ئێكێ یا ئه‌ڤساله دێ ده‌ست ب ڤه‌كێشانێ كه‌ن.
