<h3 style="text-align: justify;"><span style="font-size: 18pt;">وه‌زاره‌تا كاره‌با حكومه‌تا هه‌رێما كوردستانێ، د راگه‌هاندنه‌كێدا ئاماژه دا ، كو بزاڤا ڕاكێشانا بۆرییا ڤه‌گۆهاستنا گازا سروشتی بۆ وێستگه‌ها كواشێ ل دهۆك دهێته كرن، ئه‌ڤه‌ژى دێ رێژه‌ییا به‌رهه‌مئینانا كاره‌بێ زێده‌تر لێكه‌ت. </span></h3> <h3 style="text-align: justify;"><span style="font-size: 18pt;"> وه‌زاره‌تى كاره‌بێ، ئه‌ڤرۆ ئێكشه‌مبى 1/8/2021، د (فه‌یسبووك)ێ خوه دا به‌لاڤكرییه، تێدا به‌حس ل هندێ هاتییه كرن، ئه‌ڤرۆ کەمال ئەترووشی، وەزیرێ سامانێن سروشتی، سەردانا وەزارەتا کارەبێ کر و د دیداره‌کێدا ل گەڵ کەمال محه‌مه‌دساڵح، وەزیری کارەبا، به‌حس ل زیادكرنا بەرهەمئینانا گازێ بۆ زیادکرنا ئاستێ بەرهەمئینانا کارەبێ كر.</span></h3> <h3 style="text-align: justify;"><span style="font-size: 18pt;">ئه‌و ژى دیار كر كو راكێشانا بۆرییا گازا سروشتى بۆ ویستگه‌ها كواشێ ل پارێزگه‌ها دهۆكێ، كو شیانێن هزار مێگاواتێن كاره‌بێ هه‌یه و پشكه‌كا زۆرا ئاریشێن كاره‌بێ دێ چاره‌سه‌ركه‌ت، ژلایێ ئابووریڤه ژى مفایه‌كێ زۆر هه‌یه و تێچوونا به‌رهه‌مئینانا كاره‌بێ دێ كێم كه‌ت.</span></h3> <h3 style="text-align: justify;"><span style="font-size: 18pt;">د راگه‌هاندنه‌كێدا روون كرییه ژى، بریاره‌چ جوره گازه‌ك ژ كێلگه‌یا نه‌فتێ ب هه‌روه نه‌چیت و بۆ وێستگه‌هێن كاره‌بێ و وارێن پێدڤى یێن دى كو مفاى ژێ وه‌ربگرن.</span></h3> <h3 style="text-align: justify;"><span style="font-size: 18pt;">وه‌زاره‌تا كاره‌بێ ئاشكرا كرییه، کۆمپانییا ئەگریکۆ ل کێڵگەییا حەسیرە ل گەرمیان، مفاى ژ گازا سروشتی وەرگرتییه و 165 مێگاواتێن کارەبێ بەرهەم دئینیت.</span></h3>
