فەرمانگەھا ھشیارییا ژینگەیی راگەھاند ل دووماھییا ڤێ سالێدا ھژمارا ترۆمبێلان ل ھەرێمێ دێ گەھیتە دوو ملیۆن ترۆمبێل
فەرمانگەھا ھشیارییا ژینگەھی ل ھەرێما کوردستانێ ئامارا ھژمارەیێن ترۆمبێلێن ناڤا ھەرێمێ بەلاڤکرن و راگەھاند، ئەڤێ ھژمارێ دێ کارتێکرنەکا مەزن ل سەر ژینگەھا ھەرێما کوردستانێ ھەبیت.
رەزاق خەیلانی رێڤەبەرێ فەرمانگەھا ژینگەیی ل ھەرێمێ گۆت ژی، ل هەرێمێ ئەم ٦ ملیۆن کەسین، مە ملیۆنەک و ٩٠٠ ھزار ترۆمبێل ھەنە، واتە ھەر سێ کەسان ترۆمبیلەك بەر دکەڤیت، ل ھیچ وەلاتەکێ جیھانێ ئەڤ تشتە روو نەدایە.
ل دووڤ ئامارێن رێڤەبەرییا گشتییا ھاتنوچوونا ھەرێما کوردستانێ ئامارێن ترۆمبیلان ل ھەرێمێ ب ڤی رەنگینە:
تایبەت: ملیۆنەک و ٩١ ھزار و ٤٦٦
کرێ: ٩٦ ھزار و ٧٨٧
بارھەڵگر: ٤٢١ ھزار و ٢٦٧
ئامێرێن چاندنێ: ٣٨ ھزار و ٣٩٦
ئامێرێن پیشەسازی: ٢٧ ھزار و٣٥
ھژمارە کاتی و کارتێن زانیاری: ١٤٦ ھزار و ٥٢
ترۆمبێلێن حکومی: ٢٩ ھزار و ٩٥٢
ماتۆڕسکیل: ١٨ ھزار و ٦٣٨
سەرجەمێ گشتی: ملیۆنەک و ٨٩٦ ھزار و ٥٩٣ ترۆمبێل
