پشتى كۆمبوون دگه‌ل هه‌موو بانقێن بازرگانى و ئه‌هلى ل هه‌رێمێ هاتینه كرن، وه‌زاره‌تا دارایى دێ مووچێ فه‌رمانبه‌ران ب رێكا سیسته‌مێ بانكی دابه‌شكه‌ت و مووچه‌خور راسته‌وخۆ ل بانكێ دێ مووچێ خوه وه‌رگرن.
دكتور عه‌بدولكه‌ریم خسرو، سه‌رپه‌رشتێ لژنا جێبه‌جێكرنا یاسا چاكسازیێ گوت: تا نوكه 20 هزار مووچێن نه‌یاسایى یێن مووچه خورا هاتینه برین.
ل دیوانا وه‌زاره‌تا دارایى یا هه‌رێما كوردستانێ ئه‌ڤرۆ كۆمبوون دناڤبه‌را وه‌زاره‌ت و بانكێن بازرگانى هاته‌كرن، داكو كود پێ بهێته‌دان بۆ دابه‌شكرنا مووچێ مووچه‌خورێن هه‌رێما كوردستانێ.
پشتى كۆمبوونێ ئاوات شێخ جه‌ناب وه‌زیرێ دارایى و ئابوورى هه‌رێما كوردستانێ راگه‌هاند: لدوڤ یاسایا چاكسازیێ ل هه‌رێما كوردستانێ ل سالا 2020 هاتیه بجهئینان، كو برگه‌ك تێدایه تایبه‌ت ب ڤه‌كرنا هژمارا بانكى بۆ مووچه خورێن هه‌رێمێ، ژ نها وێڤه ئه‌و بریار چوویه د بوارێ بجهئینانێ دا، مووچه‌خور ب رێكا بانقێ مووچێ خوه دێ وه‌گرن.
