سێ کوردێن دی هاتنه‌ داخوازکرن بۆ هه‌لبژارتیێ عیراقێ

ئاژانسا خانی،هه‌ژار مه‌عروف
چاڤه‌رێ دهێته‌كرن هه‌لبژارتیێ ئولومپیێ عیراقێ پشتى كه‌مپا خوه‌ یا راهێنانى ل وه‌لاتێ توركیا به‌ره‌ڤ وه‌لاتێ ئیمارات بچیت بۆ ئه‌نجامدانا دو یاریێن هه‌ڤالینى ل 2 و 6 مه‌ها بهێت ل گه‌ل هه‌لبژارتیێ ئولومپیێ ئیمارات وه‌كو خوه‌ به‌رهه‌ڤكرن بۆ قاره‌مانییا رۆژئاڤا ئاسیا .
راهێنه‌رێ هه‌لبژارتیێ عیراقێ یێ چیكى سكوپ بۆ هه‌ردو یاریێن به‌رامبه‌ر ئیمارات شه‌ش یاریزان نوو داخوازكرن كو ئه‌و هه‌ر شه‌ش یاریزان ل خۆلێن ئورۆپى یاریێ دكه‌ن ، دناڤا ئه‌وان دا سێ یاریزانێن كورد هه‌نه‌ ئه‌وژى مه‌تین سالح كو خه‌لكێ باژێرێ ئاكرێ یه‌ و یاریێ ل یانا بروندبی یا دانیماركى كه‌ت و نه‌دیم عومه‌ر خه‌لكێ ده‌ڤه‌را شنگالێ یه‌ و گولچیێ یانا فالكنبیرگز یا سویدى و هیران ئه‌حمه‌د خه‌لكێ باژێرێ سلێمانیێ و یانا سون یا سویسرى .
هه‌ژى گوتنێ یه‌ نوكه‌ دو یاریزانێن كورد ژى هه‌رێما كوردستانێ ژى ل گه‌ل هه‌لبژارتیێ ئولومپیێ عیراقێ نه‌ ئه‌وژى عیماد عیسا و ئه‌حمه‌د سه‌رتیب.