فلمێ زالاوا د سێیه‌مین نمایشا خوه یا جیهانى دا، ل پشكا پێشبركیێ د چارچۆڤێ فیسته‌ڤالێ دا هاته نمایش كرن و شیا خه‌لاتێ سه‌ره‌كی یێ فیسته‌ڤالێ ب ده‌ست خوه‌ڤه بینیت.
فانتاستیك فێست، مه‌زنترین فیسته‌ڤال ل ئه‌مریكا دهێته هژمارتن، هه‌ر سال ئه‌ڤ فیسته‌ڤاله دهێته ئه‌نجام دان و فلمێن ئه‌كشن، فانتازیا، زانستی، ئاشوپا زانستی تێدا پشكدار دبن و دهێنه خه‌لات كرن. ئه‌ڤ فلمه ژ به‌رهه‌مئینانا سه‌میرا به‌راده‌ری و روحوللا به‌راده‌ری یه. ل پاییزا سالا بورى ل گوندێ شیان یێ سه‌ر باژێرێ سنه‌ڤه و ل گوندێ خووره‌مرود یێ ب سه‌ر باژێرێ هه‌مه‌دان ڤه د ده‌مێ 49 رۆژان دا هاتییه وێنه‌كرن ب رێیا محمد ره‌سولی و كومه‌ك ژ ئه‌كته‌رێن ناڤدار یێن ئیرانی پشكداری تێدا كرییه وه‌ك نه‌وید پوورفه‌ره‌چ، پوریا ره‌حیمی سام، هودا زه‌ینو‌لعابدین، باسیت ره‌زایی. شاهو روسته‌می. فه‌ره‌یدون حامیدیی. سالح ره‌حیمی. زاهید زه‌ندی، رۆل تێدا گێرایه.
