<h3 style="text-align: justify;"><span style="font-size: 18pt;">ب سه‌وركاتییا مه‌سرور بارزانى سه‌روكێ حكومه‌تا هه‌رێما كوردستانێ و ب ئاماده‌بوونا قوباد ته‌له‌بانی جێگرێ سه‌روكێ حكومه‌تا هه‌رێما كوردستانێ جڤاتا وه‌زیران كومبوونا حه‌فتیانه ئه‌نجام دا.</span></h3> <h3 style="text-align: justify;"><span style="font-size: 18pt;">دبرگا ئێكێ یا كومبوونێ دا ره‌ش نفێسێ په‌یره‌وێ ئه‌نجوومه‌نێ بلند بۆ گه‌شه‌پێدانا خانمان ل هه‌رێما كوردستانێ ژلایێ خانزاد ئه‌حمه‌د ئه‌میندارا گشتى یا ئه‌نجوومه‌نى هاته خواندن ل دویڤ دا هاته په‌سه‌دكرن دڤى ده‌رباره‌ىى دا سه‌روكێ حكومه‌تێ په‌سنا رولێ ئافره‌تێ كر دقوناغێن خه‌باتا ملله‌تێ كورد دا دیاركر ئافره‌تێن كوردستانێ خودان قوربانیه‌كا مه‌زنن.</span></h3> <h3 style="text-align: justify;"><span style="font-size: 18pt;">هه‌ر دڤێ كومبوونێ دا بابه‌تێ وه‌رگرتنا قوتابیێن ده‌رچووێن پولا دوازێ ل زانكۆ و په‌یمانگه‌هان هاته چاره‌سه‌ركرن. </span></h3> <h3 style="text-align: justify;"><span style="font-size: 18pt;">سه‌فین دزه‌یی به‌رپرسێ فه‌رمانگه‌ها په‌یوه‌ندیێن ده‌رڤه یا حكومه‌تا هه‌رێما كوردستانێ به‌حسێ بزاڤێن حكومه‌تێ كر بۆ چاره‌سه‌ریا ئاریشا وان كوچبه‌رێن كورد ل وه‌لاتێ بیلاروسیا ئه‌وێن دڤێن خوه بگه‌هینه وه‌لاتێن ئه‌وروپى ، ئه‌نجوومه‌نێ وه‌زیران وه‌زاره‌تا ناڤخوه یا حكومه‌تا هه‌رێما كوردستانێ راسپارد بۆ وه‌رگرتنا رێكارێن یاسایی به‌رامبه‌ر وان كه‌سان یێ بارزگانێ ب ژیان و سه‌لامه‌تیا گه‌نجان دكه‌ن.</span></h3> <h3 style="text-align: justify;"><span style="font-size: 18pt;">دبرگه‌كا دی یا كومبوونێ دا به‌حسێ زیان ڤێ كه‌فتێن له‌هیا و بارانێن زۆر ئه‌وێ ل روژا 30 ڤێ هه‌یڤێ به‌شه‌كێ تاخێ هه‌ولێرێ زیان گه‌هشتیێ ئه‌نجوومه‌نێ وه‌زیران لایه‌نێن په‌یوندیدار راسپاردن دیڤچوونا ڤى بابه‌تى بكه‌ن و بریاردا ل نێزیكترین ده‌م ئه‌و مالێن زیان ڤێ كه‌فتى بهێنه قه‌ربووكرن . </span></h3> <h3 style="text-align: justify;"></h3>
