وه‌زاره‌تا پێشمه‌رگه‌ى به‌لاڤكریه: ل باره‌گایێ فه‌رمانده‌یا هێزێن هه‌ڤپشك یێن عیراقێ ل به‌غدا، لژنا بلندا ئاسایش و له‌شكرى یا تایبه‌ت ب دیالوكا ستراتیجى یا دناڤبه‌را عیراق و ویلایه‌تێن ئیكگرتى یێن ئه‌مریكا، ب سه‌رپه‌رشتیا قاسم ئه‌عره‌جى شیره‌تكارێ ئاسایشا نیشتیمانى یا عیراقێ و جه‌نه‌رال برینان فه‌رماندێ هێزێن هه‌ڤپه‌یمانان ل عیراقێ و سوریێ و عه‌مید روكن هه‌ژار عومه‌ر شیره‌تكارێ بلندێ وه‌زاره‌تا پێشمه‌رگه‌ى و نوینه‌رێ هه‌رێما كوردستانێ، دووه‌م كومبوونا خو ئه‌نجام دا.
هه‌روه‌سا به‌لاڤكریه: هه‌ر دكومبوونێ دا فه‌رماندێ فه‌رمانده‌یا هێزێن جودا یێن عیراقێ و هێزێن پێشمه‌رگه‌ى راپورتێن خوه پێشكێش كرن. سه‌باره‌ت بیاڤێن په‌یوه‌ندى یێن ستراتیجى دگه‌ل هێزێن ئه‌مریكا و هێزێن هه‌ڤپه‌یمانان. هه‌روه‌سا گرنگترین ئه‌و پێدڤیێن بو بلندكرنا ئاماده‌سازی و ئاستێ هێزێن عیراقێ و هێزێن پێشمه‌رگه‌ى كو دپێدڤى بن، پێشكێشى شاندێ هه‌ڤپه‌یمانان كرن.
