ژێده‌ره‌كێ تایبه‌ت: وه‌زیرێ دارایێ ئیراقێ به‌رپرسه‌ ژ نه‌هنارتنا 200 ملیار دیناران

ئاژانسا خانی: تایبه‌ت
ژێده‌ره‌كێ تایبه‌ت ل به‌غدا بۆ ئاژانسا خانی دیاركر: جڤاتا وه‌زیرێن ئیراقێ بریارا هنارتنا 200 ملیاران بۆ هه‌رێما كوردستانێ ئیمزاكریه‌ لێ ژ لایێ وه‌زیرێ دارایێ ئیراقێڤه‌ هاتیه‌ راوه‌ستاندن.
هه‌مان ژێده‌ر كو نه‌ڤیاییه‌ ناڤێ وی بهێته‌ ئاشكه‌راكرن ئاماژه‌ ب هندێ كر، وه‌سا دیاردبیت كو وه‌زیرێ دارایێ ئیراقێ دڤێت خوه‌ ژ بریارێ ب ڤه‌دزیت.
ل گور زانیاریێن ئاژانسا خانی بزاڤێن نوونه‌راتیا حكومه‌تا هه‌رێما كوردستانێ ل به‌غدا د به‌رده‌وامن بۆ هندێ ئه‌و كۆژمێ پاره‌ی بكه‌ڤیته‌ سه‌ر هژمارا بانكێ یا حكومه‌تا هه‌رێما كوردستانی لێ هه‌تا نها دبێ ئه‌نجام بووینه‌.