سه‌رۆكێ هه‌رێما كوردستانێ ب هه‌لكه‌فتا وه‌غه‌ركرنا د.مسته‌فا پێنجوێنى سه‌ره‌خۆشى ل بنه‌مالا وى كر و گوت: مسته‌فا ب وان كار و خزمه‌تێن كرین بیره‌وه‌رییێن وى دێ ب خێر مینن.
ل رۆژا چارشه‌مبى 13ى ته‌موزا 2022ێ زانایێ ئایینى و كه‌سایه‌تییێ دیارێ هه‌رێما كوردستانێ د. مسته‌فا ئه‌حمه‌د پێنجوێنى وه‌غه‌ركر و ته‌رمێ وى ل گورستانا نویێ یا سلێمانییێ هاته ڤه‌شارتن.
سه‌رۆكێ هه‌رێما كوردستانێ نێچیرڤان بارزانى په‌یامه‌كا سه‌ره‌خۆشییێ ئاراسته‌یى بنه‌مال و قوتابییێن وى كر و گوت: خودایێ مه‌زن گیانێ وى ب مه‌زنى و دلوڤانییا خوه شاد بكه‌ت و ئارامى و بهێن فره‌هییێ بده‌ته هه‌موویان.
نێچیرڤان بارزانى ئه‌و زانایێ ئایینى ب ناڤه‌كێ دیار دبیاڤێ خزمه‌تكرنا ئایینى ل هه‌رێما كوردستان، عیراق و جیهانا ئیسلامیدا هژمارت و دیاركر، كومه‌كا به‌رهه‌مێن هزرى و ڤه‌كۆلینێن زانستى ل پشت خوه هێلان و ب وى كار و خزمه‌تێن كرین، بیره‌وه‌رییێن وى دێ ب خێر مینن.
