ئاگه‌هدارییه‌ك ژ وه‌زاره‌تا باژێرڤانى و گه‌شتوگوزارێ

وه‌زاره‌تا باژێرڤانى و گه‌شتوگوزارا حكومه‌تا هه‌رێما كوردستانێ راگه‌هاندنه‌ك ل دوور وان خانوویێن ب زێده‌گاڤى هاتینه‌ ئاڤاكرن به‌لاڤكر.

وه‌زاره‌تێ دیاركر، ئه‌و خانویێن ب شێوه‌یێ زێده‌گاڤی هاتینه‌ ئاڤاكرن و قانوونا زێده‌گاڤیكار ژێدگریت دووماهی ژڤان بۆ وه‌رگرتنا داخوازییێن ئه‌وان 9-9-2022ێ یه‌ و پشتی وێ رێكه‌فتێ دێ ژ وی مافێ قانوونى بێبه‌هربن.

وه‌زاره‌تا باژێرڤانى و گه‌شتوگوزارێ داخواز ژوه‌لاتییان دكه‌ت ب زووترین ده‌م داخوازیێن خوه‌ پێشكێشی لژنێن تایبه‌تمه‌ند یێن قه‌زا و ناحییان بكه‌ن، بۆ هندێ ژوێ ده‌رفه‌تێ مفادارببن كو ب تنێ ئێك هه‌یڤ یامای، ب گوره‌ی بریارا جڤاتا وه‌زیرێن هه‌رێما كوردستانێ هه‌موو ئه‌و خانویێن ب شێوه‌یێ زێده‌گاڤی ل به‌ری رێكه‌فتی 31-12-2022ێ هاتنه‌ درووستكرن ل دووڤ قانوونا په‌ژراندی یاژماره‌ 7 یا سالا 2021ێ هاتییه‌ بجهكرن دێ هێنه‌ تاپوكرن، هه‌ر خانویه‌كێ به‌رییا وێ رێكه‌فتێ ب شێوێ زێده‌گاڤی هاتییه‌ درووسكرن رێكارێن تاپوكرنێ ژێدگرن.

كه‌سێن زێده‌گاڤ داخوازییه‌كێ دێ پێشكێشی یه‌كه‌یا ئیدارا ده‌ڤه‌را خوه‌ ل قایممقامی و ناحییان كه‌ن، یه‌كا ئیداری ژی لژنه‌كا تایبه‌ت بۆ برێڤه‌برنا كاروبارێن وان جوره‌ تاپوكرنان پێكئینایه‌.

حكومه‌تا هه‌رێما كوردستانێ بۆ به‌رچاڤگرتنا ره‌وشا ئابووری و پتر خزمه‌تكرنا وه‌لاتییان دپروژه‌ قانوونێ دا كوژمه‌كێ ره‌مزی یێ كێم ل دووف قانوونێ بۆ تاپوكرنا وان زێده‌گاڤییا یێ ده‌ستنیشانكری.

رێنمایێن قانوونى :

ماوه‌یێ سێ سالانه‌ قانوونى یا ب خۆدانكرنا ئه‌وان پارچه‌ زه‌ڤیێن زێده‌گاڤی ل سه‌ر هاتییه‌كرن ل سنوورێن باژێرڤانییا ژماره‌ 3 یا سالا 2018ێ یاهاتییه‌ هه‌مواركرن ب قانوونا ژماره‌ 7 یا سالا 2021ێ یا ده‌ركه‌ڤتى و ماوه‌یێ پێشكێشكرنا داخوازیان ژلایێ وه‌لاتییانڤه‌ پالپشت ب ماددێ 2 ژ قانوونا سه‌ری، وه‌كو مه‌رجه‌ك ئاماژه‌ پێكری كو پێدڤییه‌ زێده‌گاڤیكار داخوازییه‌كێ پێشكێش بكه‌ت.

و ب تنێ پێشكێشكرنا وێ داخوازیبێ دماوێ دیاركریدا ماڤێ ته‌مام یێ زێده‌گاڤیكارا بده‌ستڤه‌ دئینیت بو هندێ مفاداربن ژ قانوونێ.

ئانكو رێكارێن دی یێن ب ناڤكرنێ و ئه‌و كێشێن جودا یێن ل سه‌ر وان زێده‌گاڤیاین دجێبه‌جێكرنا رێكاراندا دئێنه‌ پێش نابنه‌ رێگر ژ مفادارنه‌بونا زێده‌گاڤكارا دقانوونێ دا.

بو وێ یه‌كێ وه‌لاتیى داخوازیێ دماوێ دیاركریدا پێشكێش ب كه‌ت و ده‌رفه‌تێ ژده‌ست نه‌ده‌ت كو دووماهی ده‌رفه‌ته‌ بۆ مفا وه‌رگرتنێ ژڤێ قانوونێ و جێبه‌جێكرنا قانوونا ژماره‌ 3ێ یا سالا 2018ێ تایبه‌ت ب نه‌هێلان و ژناڤبرنا زێده‌گاڤییان ل سه‌ر لژنێن پێكهاتی ژ پارێزگه‌هان و یه‌كێن ئیدارییه ‌ژی ئه‌ڤان داخوازییا ب شێوه‌یه‌كێ فه‌رمی ژوه‌لاتییان وه‌ربگرن وه‌كو ده‌ستپێك پاش داخوازا داتا و پێدڤیێن ب ناڤكرنێ، تاپوكرنێ  ژ وه‌لاتییان بكه‌ن.