ئاژانسا خانی ” تایبەت:
بەرپرسەکێ پارتی دیموکراتی کوردستان ئاشکرا کر، چەند پێشنیارەک بۆ سیستەمێ ھەلبژارتنێن ھەرێما کوردستانێ ھەنە و ئێک ژ وان ژی سیستەمێ تێکەلە و دبێژیت، ل چەندین وەلاتان ئەو سیستەمه دھێتە بجهئینان.
ھاوار محەمەد، بەرپرسێ قانوونی ل دەزگەھێ ھەلبژارتنێن پارتی بۆ ئاژانسا خانی دیار کر” چەند پێشنیارەک بۆ شێوازێ برێڤەچوونا ھەلبژارتنێن داھاتی یێن ھەرێما کوردستانێ هه‌نه، ئێک ژ وان پێشنیاران سیستەمێ تێکەل بھێتە بجهئینان ھەم ئێک بازنە بیت و ھەم ژی چەند بازنە تێدا ھەبن ئەڤە ل چەندین وەلاتێن جیھانێ ژی ھەیە و دھێتە بجهئینان، یا ئاسایی یە ئەگەر لایەنێن سیاسی بگەھنە رێکكەفتنێ ھەمان سیستەم بۆ ھەرێما کوردستانێ ژی بھێتە بجهئینان.
ناڤهاتی گۆت ژی” ھەتا نوکە لایەنێن سیاسی نەگەھشتینە چو ئەنجامان، ھیڤی دکەین ھەتا کۆمبوونا داھاتی، یاکو ژلایێ سەرۆکاتییا ھەرێما کوردستانێ ڤە ھاتییە دیار کرن رۆژا ٣ ئیلۆنێ ھەموولایەن پێداچوونێ بکەن و بگەھنە ئەنجامەکی ئەم ژی وەک پارتی دێ پێشنیارێن خوە دەینە لایەنێن دی.
