وەزارەتا خواندنا بلند و ڤەكۆلینێن زانستی ( یوزەرنێم و پاسوورد ) بۆ هەمی دەرچوویێن پۆلا 12ێ ئامادەكرینە و ئاراستەی وەزارەتا پەروەردێ و رێڤەبەرایەتییا گشتی یا ئەزموونان كرینە.
عەباس ئەكرەم، پەیڤدارێ وەزارەتا خواندنا بلند و ڤەكۆلینێن زانستی راگەهاند، پشتی بزاڤێن وەزارەتێ و رێڤەبەرییا گشتی یا خواندنێ، پلاندانان، دویڤچوون و ناڤەندا وەرگرتنێ، ( یوزەرنێم و پاسوورد ) بۆ هەمی دەرچوویێن پۆلا 12ێ هاتینە ئامادەكرن و بۆ وەزارەتا پەروەردێ/ رێڤەبەرییا گشتی یا ئەزموونان هاتینە رەوانەكرن.
دیار ژی كر، دەرچوویێن پۆلا 12ێ هەر ژ سباهی دشێن سەرەدانا خواندنگەهێن خۆە بكەن بۆ وەرگرتنا ( یوزەرنێم و پاسوورد )ێن خۆە.
ئاماژە ب وێ یەكێ ژی دا كۆ پێدڤی یە قۆتابی یوزەرنێم و پاسووردێن خۆە ب باشی ب پارێزن، ژبەركۆ ئەو دشێن ب رێیا وان زانكۆلاینی پر بكەن.
دەربارەی كاراكرنا زانكۆلاین عەباس ئەكرەم دیاركر، دەستپێكا حەفتییا بهێت زانكۆلاین بۆ دەرچوویێن دوازدێ ئامادەیی دێ هێتە كاراكرن.
