سه‌رۆك مه‌سعود بارزانی، ل هەولێرێ پشکداری د مەراسیما ڤەکرنا بارەگایێ پاتریارکا کەنیسا رۆژهەلاتا ئاشووریان دا کر و پیرۆزباهیا ڤەکرنا وێ کەنیسێ ل ئاشووری و مەسیحیێن هەرێما کوردستانێ کر.
سه‌رۆك بارزانی راگەهاند،” ڤەکرنا ڤێ کەنیسێ نیشانا وێ پەیوەندیا دیرۆکی یە یا کو 100 بەری نوکە دناڤبەرا هەردوو شەهیدان شێخ عه‌بدولسه‌لام بارزانی و قه‌شه مارشه‌معون دروستبووی، کو د وی سەردەمی دا بنیاتێ پێکڤە ژیان و برایەتیێ ل هەرێما کوردستانێ دانا.”
سه‌رۆك بارزانی ئاماژە کر: ” ژ وێ وانتر و خوشتر نینە د وەلاتەکی دا هەمی وەکی برا پێکڤە بژین، گرنگ ئەوە ئەم هەمی پێکڤە خودای د پەرێسین، جهێ فەخر و شانازیێ یە، ئەو فەرهەنگە بویە فەرهەنگا هەمی خەلکێ کوردستانێ ب هەمی پێکهاتێن ئایینی و نەتەوەی و مەزهەبیڤە،و یا پێدڤییە لسەر ڤێ فەرهەنگێ د بەردەوام بین.”
سه‌رۆك بارزانی دوپاتی لسه‌ر به‌رده‌وامبوونا پشتەڤانی کرنێ ل هەمی خەلکێ کوردستانێ بێی جوداهیا ئاینی، نەتەوەی، مەزهەبی کر.
گوت ژی : “ئه‌ڤ وەلاتە، وەلاتێ مە هەمیانە و پێدڤیە ئەم هەمی پێکڤە ب برایەتی و سەربلندی و ئازادی تێدا بژین.”
