په‌یڤدارێ حكومه‌تا هه‌رێما كوردستانێ جوتیار عادلى راگه‌هاند، سه‌رجه‌مێ گشتى یێ داهاتێ حكومه‌تا هه‌رێما كوردستانێ د سێ سالێن بووریدا 46.3 تریلیۆن دیناربوون، سه‌رجه‌مێ گشتى یێ خه‌رجییان ژى 49.9 تریلیۆن دیناربوون.
ئه‌ڤرۆ 13ى ئه‌یلولا 2022ێ په‌یڤدارێ حكومه‌تا هه‌رێما كوردستانێ جوتیار عادلى دپرێسكۆنفرانسه‌كیدا داهات و خه‌رجییێن حكومه‌تا هه‌رێما كوردستانێ د سێ سالێن بووریدا ئاشكراكرن.
ناڤبرى ئاماژه ب هندێ دا كابینه نه‌هێ یا حكومه‌تا هه‌رێمێ هه‌ر ژ ده‌ستپێكا كارێ خوه و ل سه‌ر راسپاردا سه‌رۆكێ حكومه‌تا هه‌رێمێ مه‌سرور بارزانى هه‌موو كارێن خوه ب شێوه‌یه‌كێ شه‌فاف بۆ وه‌لاتییان دیاركرن، فه‌رمانگه‌ها میدیا و زانیارییان ژى رۆژانه ب داتا و زانیارییێن حكومه‌تێ، نووچه به‌لاڤ دكرن، و ب دیده‌ڤانییا میدیایێ ئه‌ڤێ كابینه‌یا حكومه‌تێ پترین زانیارى ب رایا گشتى داینه و دێ ل سه‌ر ئه‌ڤێ رێكێ یا به‌رده‌وام بیت.
زێده‌تر ئاشكراكر : حكومه‌تا هه‌رێما كوردستانێ دماوێ بووریدا و سه‌ربارى ئه‌وان دورپێچێن ئابوورى یێن ژلایێ حكومه‌تا فیدرال ڤه كه‌ڤتینه سه‌ر، شیایه چه‌ند ژێده‌ران بۆ مووچه‌یێ وه‌لاتییێن خوه دابین بكه‌ت و چه‌ند پرژه‌یێن ستراتیژى بجهبینیت، و بۆ ئێكه‌م جار حكومه‌تا هه‌رێمێ بێى پشتبه‌ستن ل سه‌ر حكومه‌تا عراقێ، مووچه دابینكر.
سه‌رجه‌مێ داهاتێ حكومه‌تا هه‌رێما كوردستانێ دسێ سالێن بووریدا :
سه‌رجه‌مێ گشتى یێ داهاتێ حكومه‌تا هه‌رێما كوردستانێ كو ژ داهاتێ نه‌فت، و ژێده‌رێن دى و ته‌مویلا حكومه‌تا عیراقێ و هه‌ڤپه‌یمانان پێكدهێت، 46.3 تریلیۆن دینارن.
سه‌رجه‌مێ گشتى یێ خه‌رجییێن حكومه‌تا هه‌رێما كوردستانێ دسێ سالێن بووریدا:
سه‌رجه‌مێ گشتى یێ خه‌رجییێن حكومه‌تا هه‌رێما كوردستانێ كو ژ مووچه، خه‌رجییێن نه‌فت، وه‌به‌رهێنان، كرێیا وێستگه‌هێن كاره‌بێ و دانا به‌شه‌كێ قه‌رزان پێكدهێت، 49.8 تریلیۆن دینارن.
سه‌باره‌ت تێكرایا داهاتێ نه‌فتا فرۆشتى یا حكومه‌تا هه‌رێما كوردستانێ، رێژه‌یا 55% یا ئه‌وى داهاتى بۆ خه‌رجییێن به‌رهه‌مئینان، هنارده‌كرن، كوگه‌هكرن و ڤه‌گوهاستنێ هاتییه خه‌رجكرن، هه‌روه‌سا رێژه‌یا 45% ژى وه‌كو داهاتى سافى ڤه‌گه‌ریایه گه‌نجینه‌یا حكومه‌تێ.
خه‌رجییێن پرۆژه‌یان دسێ سالێن بووریدا :
كابینه‌یا نه‌هێ یا حكومه‌تا هه‌رێما كوردستانێ دسێ سالێن بووریدا، 840 ملیار دینار ل 884 پرۆژه‌یان خه‌رجكرینه.
-
ل سالا 2019ێ 243 ملیار دینار هاتینه خه‌رجكرن.
-
ل سالا 2020ێ 151 ملیار دینار هاتینه خه‌رجكرن.
-
ل سالا 2021ێ 446 ملیار دینار هایتنه خه‌رجكرن.
خه‌رجى ل دووڤ سێكته‌ران :
رێك و جادده : 392 ملیار دینار
باژێرڤانى : 282 ملیار دینار
كاره‌ب : 25 ملیار دینار
سایلۆ ( چاندن ) : 37 ملیار دینار
په‌روه‌رده : 26 ملیار دینار
ئاكنجیبوون : 25 ملیار دینار
به‌نداڤ : 22 ملیار دینار
سێكته‌رێن دى : 31 ملیار دینار
سه‌باره‌ت ده‌سته‌یا وه‌به‌رهێنانێ
په‌یڤدارێ حكومه‌تا هه‌رێما كوردستانێ راگه‌هاند، ژبلى ئه‌وان پرۆژه‌یێن كو حكومه‌تا هه‌رێمێ ب خوه بجهئیناین، ئاسانكارى ژى كرییه بۆ هندێ ب رێكا كه‌رتێ تایبه‌ت دهرفهتێن كارى بۆ وه‌لاتییێن هه‌رێما كوردستانێ په‌یدابكه‌ت، و دسێكته‌رێ وه‌به‌رهێنانێدا موله‌ت ب چه‌ندین پرۆژه‌یان دایه و ب رێكا وان زێده‌تر ژ 120 هزار دهرفهتێن كارى ب شێوه‌یێ راسته‌وخۆ و ب ئه‌ڤى شێوه‌ی به‌رده‌ستكرینه.
سالا ئێكێ :
ل سالا ئێكێ كابینه‌یا نه‌هێ یا حكومه‌تا هه‌رێما كوردستانێ، ده‌سته‌یا وه‌به‌رهێنانێ موله‌ت ب 43 پرۆژه‌یان دایه و خه‌رجییێن وان پرۆژه‌یان 902 ملیۆن دولار بوون و ل سه‌ر رووبه‌رێ 875 دونه‌مێن زه‌ڤییان دئه‌ڤان سێكته‌راندا هاتینه بجهئینان.
-
پیشه‌سازى : 12 پرۆژه ب 357 ملیۆن دولاران.
-
ئاكنجیبوون : 5 پرۆژه ب 375 ملیۆن دولاران.
-
فێركرن : 7 پرۆژه ب 44 ملیۆن دولاران.
-
گه‌شتیارى : شه‌ش پرۆژه ب 30 ملیۆن دولاران.
-
وه‌رزش : 3 پرۆژه ب 30 ملیۆن دولاران.
-
بازرگانى : 6 پرۆژه ب 43 ملیۆن دولاران.
-
ساخله‌مى : 3 پرۆژه ب 20 ملیۆن دولاران.
-
چاندن : 1 پرۆژه ب 3 ملیۆن دولاران.
سالا دووێ :
ل سالا دووێ كابینه‌یا نه‌هێ یا حكومه‌تا هه‌رێما كوردستانێ، ده‌سته‌یا وه‌به‌رهێنانێ موله‌ت ب 87 پرۆژه‌یان دایه و خه‌رجییێن وان حه‌فت ملیار و 304 ملیۆن دولار بوون و ل سه‌ر رووبه‌رێ 7075 دونه‌مان دئه‌ڤان سێكته‌ران دا هاتینه بجهئینان.
-
پیشه‌سازى : 29 پرۆژه ب ئێك ملیار و 130 ملیۆن دولاران.
-
ئاكنجیبوون : 4 پرۆژه ب 430 ملیۆن دولاران.
-
فێركرن : 5 پرۆه ب 26 ملیۆن دولاران.
-
گه‌شتیارى : 15 پرۆژه ب 5 ملیار و 60 ملیۆن دولاران.
-
وه‌رزش : 1 پرۆژه ب 2 ملیۆن دولاران.
-
بازرگانى : 19 پرۆه ب 309 ملیۆن دولاران.
-
ساخله‌مى : 6 پرۆژه ب 53 ملیۆن دولاران.
-
چاندن : 5 پرۆژه ب 227 ملیۆن دولاران.
-
هونه‌رى : 1 پرۆژه ب 9 ملیۆن دولاران.
-
خزمه‌تگوزارى : 2 پرۆژه ب 58 ملیۆن دولاران.
سالا سێیێ :
ل سالا سێیێ ژ كابینه‌یا نه‌هێ یا حكومه‌تا هه‌رێما كوردستانێ موله‌ت ب 64 پرۆژه‌یان هاتییه دان و خه‌رجییێن وان 2 ملیار و 945 ملیۆن بوون و ل سه‌ر رووبه‌رێ 2221 دونه‌مێن زه‌ڤییان دئه‌ڤان سێكته‌ران دا هاتینه بجهئینان.
-
پیشه‌سازى : 14 پرۆژه ب 204 ملیۆن دولاران.
-
ئاكنجیبوون : 3 پرۆژه ب 248 ملیۆن دولاران.
-
فێركرن : 7 پرۆژه ب 38 ملیۆن دیناران.
-
گه‌شتیارى : 8 پرۆژه ب 2 ملیار و 34 ملیۆن دولاران.
-
وه‌رزش : 3 پرۆژه ب 7 ملیۆن دولاران.
-
بازرگانى : 3 پرۆژه ب 7 ملیۆن دولاران.
-
ساخله‌مى : 3 پرۆژه ب 19 ملیۆن دولاران.
-
چاندن : 2 پرۆژه ب 133 ملیۆن دولاران.
-
بانك : 2 پرۆژه ب 19 ملیۆن دولاران.
