WFP: ئاساییشا خوارنا 153 ملیۆن کەسان ل جیهانێ د مەترسییێ دایە

ئامارێن پرۆگرامێ خوارنا جیهانی WFP ئەو چه‌نده‌ دیار كرییه‌، ل جیهانێ 153 ملیۆن کەس ئاسایشا خوارنا وان د مەترسییێ دایە، ژ وێ هژمارێ ژی پتر ژ 18 ملیۆنان ل پێنج وه‌لاتێن ئەفریقینه‌.

لدووڤ نەتەوێن ئێکگرتی، 30% یا زارۆیێن وه‌لاتێن قۆچی ئەفریقا (کو پێنج وه‌ڵاتن) تووشی بەدخۆراکییێ بووینه‌” پرۆگرامێ خوارنا جیهانی دبیژیت : مه‌ترسییا مرنێ ژ برسان دا ل سه‌ر 213 هزار کەسان هه‌یه‌؛ بانکا جیهانی ژی دبێژیت، هه‌ژاری ل سۆمالێ گەهشتییە 71% ێ.

قۆچا ئەفریقا ژ وه‌لاتێن سودان، کینیا، ئەسیوپیا، سۆمال و ئەریتریا پێکدهێت”  نەتەوێن ئێکگرتی دبێژن، ئاسایشا خوارنێ یا 18 ملیۆن کەسان ل وه‌لاتێن وێ هەرێما ئەفریقا، کەفتییە ژێر مەترسییێ؛ پرۆگرامێ خوارنا جیهانی دبێژیت، 153 ملیۆن کەس ل سەرانسەری جیهانێ ئاسایشا وان یا خوارنێ د مەترسییێ دایە.