سه‌رۆكا په‌رله‌مانێ كوردستانێ پیرۆزباهى ل كۆمیته‌یا ناڤه‌ندییا پارتى كر

د. رێواس فایه‌ق سه‌رۆكا په‌رله‌مانێ كوردستانێ پیرۆزباهى ل سه‌رۆك، جێگرێن سه‌رۆكى و ئه‌ندامێن كۆمیته‌یا ناڤه‌ندییا پارتى دیموكراتى كوردستان كر.

ئه‌ڤرۆ حه‌فتى چریا دووێ یا 2022ێ د. رێواس فایه‌ق سه‌رۆكا په‌رله‌مانێ كوردستانێ ب هه‌لكه‌ڤتا سه‌ركه‌ڤتنا كۆنگرێ 14ێ یێ پارتى دیموكراتى كوردستان په‌یامه‌كا پیرۆزباهییێ ئاراسته‌یى ئه‌ندامێن كۆمیته‌یا ناڤه‌ندییا پارتى كر كو تێدا دیاركرییه‌، ئه‌و جوانترین پیرۆزباهییێن خوه‌ ئاراسته‌یى سه‌رۆك، جێگرێن سه‌رۆكى و ئه‌ندامێن كۆمیته‌یا ناڤه‌ندییا پارتى دیموكراتى كوردستان دكه‌ت، ب هه‌لكه‌ڤتا چارده‌مین كۆنگره‌یێ پارتى دیموكراتى كوردستان و بده‌ستڤه‌برنا باوه‌رییا ئه‌ندامێن كۆنگره‌ی، هه‌روه‌سا پیرۆزباهییا هه‌موو ئه‌ندام و دوست و لایه‌نگرێن ئه‌وان كر.

سه‌رۆكا په‌رله‌مانى دپه‌یاما خوه‌دا هیڤی خواستن كۆنگره‌یێ 14ێ یێ پارتى وێستگه‌هه‌كا گه‌له‌ك باش بیت بۆ پێداچوونێ د ئه‌ركێن حزبایه‌تییێ دا، دهه‌مان ده‌مدا ئاشكراكر هیڤییا وێ ئه‌وه‌ ئه‌ڤ كۆنگره‌ ببیته‌ هیڤینێ ئێكرێزى و ته‌باییا هه‌موو حزب و لایه‌نێن سیاسى و موكۆمكرنا په‌یوه‌ندییان دناڤبه‌را واندا ب ئاراسته‌یێ ئێك گوتارى و ئێك هه‌لویستییێ د پرس و بابه‌تێن چاره‌نوسازدا.