وه‌زاره‌تا خواندنا بلند و ڤه‌كۆلینێن زانستی رێڤه‌به‌رییا پشتراستی و جۆری و باوه‌ردانێ، بۆ جارا ئێكێ پشكه‌كا دبلۆما بلند و ماسته‌ر و دكتۆرایێ په‌سه‌ندكر و پشكا دیژی هێشتا ره‌زامه‌ندی لسه‌ر نه‌هاتییه دان، و ئه‌ڤ په‌سه‌ندكرنه دێ ب دوو قووناغان بیت.
قووناغا ئێكێ / په‌سه‌ندكرن دێ بۆ ئه‌وان كولیژ و به‌شان بیت یێن كو بۆ جارا ئێكێ دبلۆما بلند و ماسته‌ر و دكتۆرا لێ دهێنه‌ڤه‌كرن.
قووناغا دووێ / په‌سه‌ندكرن دێ بۆ ئه‌وان به‌شان بیت یێن پێشتر دبلۆما بلند و ماسته‌ر و دكتورا لێ هاتینه ڤه‌كرن.
ئه‌ڤ پلانا زانكۆیا پۆلیته‌كنیكییا دهۆكێ بتنێ ژ ئه‌وان به‌شان دگریت یێن پێشتر دبلۆما بلند و ماسته‌ر و دكتورا لێ نه‌هاتینه‌ڤه‌كرن، ئانكو پلان بۆ زانكۆیێ هه‌موویێ نینه.
هنده‌ك پشكێن دی ماینه كو پێشتر خواندنا بلند لێ نه‌هاتییه‌ڤه‌كرن و ئه‌گه‌ر پشتی هووربینییێ دیاربوو كو چ كێم و كووری تێدانینن، دێ هێنه په‌سه‌ندكرن، ئه‌ڤ پلانه بۆ هه‌موو زانكۆیێن كوردستانێ نینه و بتنێ بۆ زانكۆیا پۆلیته‌كنیكییا دهۆكێیه، و ل زانكۆیا پۆلیته‌كنیكا دهۆكێ ژی ژ هه‌موو به‌شان ناگریت.
