سەرۆکوەزیرێن عیراقێ داخواز ژ وەلاتێن ئۆپێک دکەت، پشکا بەرهەمئینانا نەفتێ ل عیراقێ زێدە بکەن، دەربارەی کێشەیێن دناڤبەرا هەولێر و بەغدا دا گوت:” هەمی کێشەیێن دناڤبەرا هەولێرێ و بەغدا دا چارەسەری یێن هەین.”
ئه‌ڤرۆ شه‌مبی 12-11- 2022، د چوارچوڤێ دیدارەكێ دا د‌گه‌ڵ ژماره‌یه‌كا رۆژنامه‌ڤان و شرۆڤه‌كارێن سیاسی، محه‌مه‌د شیاع سوودانی، سه‌رۆكوه‌زیرێن عیراقێ راگەهاند، “ئه‌گه‌ر لسه‌ر ده‌ستووری رێكبكه‌ڤین، گشت كێشه‌یێن دناڤبەرا هەولێر و بەغدا دا چارەسەری یا هەی.”
سه‌رۆكوه‌زیرێن عیراقێ دوپاتکر، “لسەر ڤی بابەتی من دگەل بەرپرسێن هەرێما کوردستانێ ژی ئاخفتیە.”
هەروەسا دیارکر، بۆ زیدەکرنا پشکا بەرهەمێ نەفتێ، عیراق مژولی گوتەبێژایە دگەل ئۆپیک و ئاشکرا کر، عیراقێ داخواز ژ ئۆپیک کریە کار بۆ جێگیرکرنا بهایێ نەفتێ د بازارێن جیهانێ دا بکەن وەکی بهایێ نوکە.
دەربارەی کوشتنا کەسەکێ ئەمریکی بناڤێ ستیڤن تڕۆڵ ل بەغدا، سوودانی ڕاگەهاند، “تاوانا کوشتنا تڕۆل ب مەرەم بوویە و سەرەداڤێن وێ تاوانێ ژی ب دەستڤە هاتینە و ئەز بخۆ راستەوخۆ سەرپەرشتی لسەر ڤەکۆلینان دکەت.”
