<h3 style="text-align: justify;"><span style="font-size: 18pt;">سه‌رۆكوه‌زیرێن عیراقێ ژ ئه‌گه‌رێ روودانا ئاگربه‌ربوونا فرۆكه‌خانه‌یا نێڤده‌وله‌تییا به‌غدا، بریاردا هژماره‌كا به‌رپرسان ژ كارێن وان دووربێخیت.</span></h3> <h3 style="text-align: justify;"><span style="font-size: 18pt;">ئه‌ڤرۆ 17ى چریا دووێ یا 2022ێ نڤێسینگه‌ها راگه‌هاندنا محه‌مه‌د شیاع سوودانى سه‌رۆكوه‌زیرێن عیراقێ راگه‌هاند، ژ ئه‌گه‌رێ روودانا ئاگربه‌ربوونا فرۆكه‌خانه‌یا نێڤده‌وله‌تییا به‌غدا، سه‌رۆكوه‌زیرێن عیراقێ بریاردا هه‌ر ئێك ژ رێڤه‌به‌رێ گشتییێ ده‌ستهه‌لاتا فرۆكه‌ڤانییا شارستانى، رێڤه‌به‌رێ گشتییێ فرۆكه‌یخانه‌یا به‌غدا و رێڤه‌به‌رێ ئاسایشا فرۆكه‌خانه‌یێ ژ پۆستێن وان دووربێخیت.</span></h3> <h3 style="text-align: justify;"><span style="font-size: 18pt;">دراگه‌هاندنا نڤێسینگه‌ها سه‌رۆكوه‌زیرێن عیراقێدا هاتییه، بریارا محه‌مه‌د شیاع سوودانى پشتى سه‌ره‌دانا وى بۆ فرۆكه‌خانه‌یا به‌غدا و كۆمبوونا دگهل وه‌زیرێ نافخۆ یێ عیراقێ، به‌رپرسێ ئاسایشا نیشتیمانى، جێگرێ سه‌رۆكێ ده‌زگه‌هێ هه‌والگێرى، بریكارێ وه‌زاره‌تا نافخۆ و رێڤه‌به‌رێ گشتییێ شارستانى و چه‌ندین به‌رپرسێن دی یێن حكومه‌تێ هات.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، سه‌رۆكوه‌زیرێن عیراقێ دكۆمبوونا خوه‌دا لایه‌نێن په‌یوه‌ندیدار راسپاردن لێكۆلینێ ل سه‌ر ئه‌وێ روودانێ بكه‌ن، و بۆ وان دیاركر پێدڤییه پێداچوونه‌ك د هه‌موو رێكارێن ئێمناهییێ ل ناڤا پشكێن جوودا یێن فرۆكه‌خانه‌یێدا بهێته‌كرن.</span></h3> <h3 style="text-align: justify;"><span style="font-size: 18pt;">ئه‌ڤ بریارا سه‌رۆكوه‌زیرێن عیراقێ د ده‌مه‌كیدایه، ل ده‌مێ چار رۆژێن بوورى دوو جاران ئاگر به‌ربوویه چه‌ند پشكێن فرۆكه‌خانه‌یا نێڤده‌وله‌تییا به‌غدا.</span></h3>
