بریاره جڤاتا نونه‌رێن عیراقێ ل سێشه‌مبیا بهێت لدور هێرشێن له‌شكه‌رى یێن كومارا ئیسلامیا ئیرانێ و توركیا بو لسه‌ر هه‌رێما كوردستانێ كۆمبیت، شاخه‌وان عه‌بدولا جێگرێ سه‌رۆكێ جڤاتا نونه‌ران، پێشنیاره‌كا ده‌ستوورى یا نوى بۆ راوه‌ستاندنا وان هێرشان دیاردكه‌ت.
جێگرێ سه‌رۆكێ جڤاتا نونه‌ران گوت، پێدڤیه حكومه‌تا عیراقێ وان ده‌ستهه‌لاتێن هه‌ین بۆ رێگریكرن ژ ده‌ستدرێژیێن ئیران و توركیا بۆ لسه‌ر ئاخا عیراق و هه‌رێما كوردستانی، بكاربینیت.
هه‌روه‌سا دا دیاركرن كو پێدڤیه حكومه‌تا عیراقێ په‌نایێ ببه‌ته كومه‌لگه‌ها نیڤده‌وله‌تی ژ بو راگرتنا ئه‌ڤان ده‌ست درێژیان ژبه‌ركۆ پێشێلكرنا سه‌روه‌ریا ئاخا عیراقێ یه و كارتێكرنه‌كا ده‌ستووریه.
دیسان ناڤبری دوپاتكر كو دڤێت هه‌رێما كوردستانێ هه‌ڤپشك بیت بۆ ئاگه‌هداركرنا كۆمه‌لگه‌ها نیڤده‌وله‌تى وپێشێلكرنا سه‌روه‌ریا ئاخا عیراقێ .
