نڤێسینگه‌ها ڕاگه‌هاندنا سه‌رۆكوه‌زیرێن عیراقێ ڕاگه‌هاند، محه‌مه‌د شیاع سوودانى ئه‌ڤرۆ ب سه‌رۆكاتییا شانده‌كێ حكومى ب سه‌ره‌دانه‌كا فه‌رمى گه‌هشته كوێتێ و بڕیاره پرسێن ئابوورى، وه‌به‌رهێنان، وزه و ئه‌منى و چه‌ند پرسێن تایبه‌ت ب په‌یوه‌ندییین دناڤبه‌را كوێت و عیراق دگه‌ل به‌رپرسێن بلند یێن وى وه‌لاتى گۆتۆبێژبكه‌ن.
محه‌مه‌د شیاع سوودانى ئه‌ڤرۆ ژ ئالییێ شێخ ئه‌حمه‌د نه‌واف، سه‌رۆكێ جڤاتا وه‌زیرێن كوێتێ و هژماره‌كا وه‌زیر و به‌رپرسێن وێ ده‌وله‌تێ ل فرۆكخانا ناڤده‌وله‌تییا كوێتێ پێشوازى لێ هاته‌كرن، هه‌روه‌سا بڕیاره سوودانى لدۆر په‌یوه‌ندییێن دوو ئالى دناڤبه‌را هه‌ردوو وه‌لاتاندا و میكانزمێن ب هێزكرن و هاریكارى و هاڤبه‌شییا د بوارێن جودا و به‌رژه‌وه‌ندییا هه‌ردوولا دانوستاندنێ دگه‌ل به‌رپرسێن ده‌وله‌تێ كه‌ت.
