په‌یڤدرێ رێڤه‌به‌ریا به‌رگریا شارستانى ل پارێزگه‌ها دهۆكێ راگه‌هاند، ژئه‌گه‌رێ پێلا بارانبارینێ زیان ب 12 خێزانان كه‌فتیه و 11 ئۆتۆمبێل لناڤ ئاڤێ ئاسێ ماینه و ژ كاركه‌فتینه، به‌لێ خوشبه‌ختانه چ زیانێن گیانى نه‌بوون.
بێوار عه‌بدولعه‌زیز په‌یڤدارێ رێڤه‌به‌ریا شارستانى ل پارێزگه‌ها دهۆكێ دیاركر، پشتى شڤێدى بارانه‌كا زور بارى ، ل چه‌ندین تاخ و جاده‌یێن باژێرى ئاڤ رابوون، به‌لێ ل پێنج جهان تیمێن به‌رگریا شارستانى خه‌لك ژ مه‌ترسیێ دویرئێخست و ژیان و سه‌روه‌ت و سامانێ وان پاراست، هه‌روه‌سا ژ ئه‌گه‌رێ لافاوێ ئاڤ چوویه ناڤ مال و خانیێن 12 خێزانان و زیان ڤێ كه‌فتینه. هه‌روه‌سا 11 ترۆمبێلێن وه‌لاتیان ئاسێ مایینه و پێنج ژوان ترۆمبێلان ئاڤ چوویه دناڤدا و ژ كاركه‌فتینه.
