ئه‌ڤرۆ سێشه‌مبی 2022/12/6 ێ ” نێچيرڤان بارزانى، سه‌رۆكێ هه‌رێما كوردستانێ د ديداره‌كێدا ل هه‌ولێرێ ل گه‌ل جێسيكا سڤاردسترۆم باليۆزا نوو یا سويدێ ل عێراقێ كۆمبوو، و زێده‌باری ب خێرهاتنێ و پيرۆزباهییا ده‌ستبكاربوونا وێ وه‌ك باليۆزا سویدێ ل عێراقێ، هه‌موو پشته‌ڤانییه‌ك بۆ سه‌رخستنا ئه‌ركێ وێ نيشاندا.
هه‌ردو ئالییان پێشخستنا په‌يوه‌نديێن سويدێ ل گه‌ل عێراق و هه‌رێما كوردستانێ گوتۆبیژ كرن و دوپاتی ل هاريكاريیا هه‌ڤپشك كر، به تايبه‌تی د وان بیاڤان دا كو جهێ گرنگییا هه‌ردو ئالییانه” ره‌وشا ناڤخۆیا هه‌رێما كوردستانێ، ده‌لیڤێن كار و وه‌به‌رئینانا سوێدى ل عێراق و هه‌رێما كوردستانێ، هه‌روه‌سا ده‌رباره‌یی داوی پێشهاتێن ره‌وشا عێراقێ، شه‌رێ دژى تيرۆرێ و ده‌ڤه‌رێ ب گشتى، هاتنه به‌حس كرن.
