هێزێن پاسەوانییا سنۆران یێن عیراقێ نویترین پلانا خۆ ژبۆ پاراستنا سنۆران دارشت و تێدا هاتییە، زێدەتری 200 خالێن سەربازی ل سنۆرێن ئیران و توركیا دێ هێنە زێدەكرن، هەروەسا دوو فەوجێن نوی ژی كو سەر ب پاسەوانێن سنۆری ڤە نە دێ هێنە پێكئینان و لسەر سنۆری دێ هێنە بەلاڤەكرن و رێ ب هیچ هێزەكا دی یا عیراقێ ناهێتە بهێنە سەر سنۆران.
لیوا محەمەد عەبدلوەهاب، فەرماندێ پاسەوانێن سنۆری دیاركر، وان پشتەڤانییا بهێز بۆ پاسەوانێن سنۆری دەستپێكریە ژ دابینكرنا پێدڤییێن سەربازی وەكو سیستەمێ كامیرێن چاڤدێریێ ب تەكنولوژیا بلند، دابینكرنا ترۆمبێلێن سەربازی و پلانەكا بهێز هەیە بۆ دانانا زێدەتر ژ 200 خالێن سەربازی ب درێژاهییا سنۆرێ عیراقێ دگەل توركیا و ئیرانێ ل هەرێما كوردستانێ ل دەڤەرا ئێك.
ل دەستپێكا سالا نوی دەرگەهێ دامەزراندنێ بۆ زێدەتری 3 هزار پاسەوانێن سنۆری دێ هێتە ڤەكرن، دامەزراندن دێ ب رێیا ئەلكترۆنی بیت و پشكا سەرەكی ژبۆ هەرێما كوردستانێ یە.
