حكومه‌تا هه‌رێما كوردستانێ دیار كر: رۆژانە ب رێیا حەفت کارگەهان نێزیکی 110 ته‌نێن زەیتا زەیتوونان ل هەرێما کوردستانێ دهێنه بەرهەمئینان.
ئه‌ڤرۆ فه‌رمانگه‌ها میدیای و زانیاری یا حكومه‌تا هه‌رێما كوردستانێ راگه‌هاند: بەرهەمهئینانا زەیتا زەیتوونان ل هەرێما کوردستانێ، ئێکه ژ وان بەرهەمێن كو ب پشته‌ڤانییا حکومەتا هەرێما کوردستانێ چوویە قووناغه‌كا نوو، ب ێیا حه‌فت کارگەهان رۆژانە نێزیکی 110 ته‌نێن زەیتا زەیتوونان ل ناڤا هەرێما کوردستانێ دهێنه بەرهەمئینان.
هه‌روه‌سا کارگەهێن بەرهەمهئینانا زەیتوونان ل هەرێما کوردستانێ ب کوالێتییەکا زۆر باش زەیتێ بەرهەمدئینن و رۆژانە نێزیکی 800 ته‌نێن زەیتوونان ژ جووتیارێن هەرێما کوردستانێ وەردگرن.
نیعمەت مەولوود، سەرۆکێ کۆمەلا هەرەوەز یا زەیتوون ده‌ر‌باره‌یی به‌رهه‌مهئینانا زه‌یتا زه‌یتوونان ل هه‌رێما كوردستانێ راگەهاند:” هنده‌ك رۆژان ته‌نه‌كا زەیتوونان بۆ مه دهێت، هنده‌ك رۆژان ژی 30 ته‌ن و رۆژانە ب ره‌نگه‌كێ به‌رده‌وام 20 ته‌نان ژی دكەینە زەیتا زەیتوونان، بەرهەمئینانا زه‌یتێ لدووڤ ته‌نا زەیتوونایه.
