بهەلکەفتا جەژنا ژ دایکبوونا حەزرەتێ مەسیح(سلاڤێن خودێ لسەر بن) مەکتەبا سیاسی یا پارتی دیموکراتی کوردستان پەیامەکا پیرۆزباهییێ ئاراستەی کریستیانێن کوردستان و عیراق و جیهانێ دکەت.
دەقێ پەیامێ:
ب هەلکەفتا هاتنا جەژنا ژ دایکبوونا حەزرەتێ مەسیح ( سلاڤێن خودێ لسەر بن) گەرمترین پیرۆزباهییان ئاراستەی خویشک و برایێن کریستیان ل کوردستانێ و عیراقێ و جیهانێ دکەین، ئومێدەوارین وێ جەژنێ ب ئارامی و خوشی ببورینن و ببیتە جهێ خێر و خوشی و بەختەوەرییێ بۆ هەمی لایەکی.
د وێ دەلیڤێ دا دووبارە دوپاتییێ لسەر هەمەرەنگی و زۆرینە پێکهاتەیێن جڤاکی ل کوردستانێ دکەین و داخوازێ ژ هەمی لایەکی دکەین بزاڤان بکەن بۆ بهێزتر کرنا کەلتورێ پێکڤە ژیانێ و لێبورینێ دناڤبەرا گشت پێکهاتەیێن ئایینی و مەزهەبی و نەتەوەیێن هەرێما کوردستانێ دا.
جارەکا دی پیرۆزباهییێ ل هەوە دکەین، ب هیڤییا جەژنەکا بەختەوەر.
مەکتەبا سیاسی
یا پارتی دیموکراتی کوردستان
24/12/2022
