عه‌لی عه‌باس جیهانگیر، پەیڤدارێ وه‌زاره‌تا كۆچ و كۆچبه‌رێن عیراقێ ڕاگەهاند، ب چاڤدێرییا دەزگەهێ ئاسایشا نیشتیمانی و پشتی ئەنجامدانا ڤەكۆلینان ل سەر ئەو ژن و زارۆكێن پەیوەندی ب داعش ڤە هەین، بڕیار هاتیەدان 150 خێزان ژ كه‌مپا هۆل بۆ كەمپا جه‌دعه بهێنە ڤەگوهاستن.
کەمپا هۆل ب دویراتیا 40 کیلۆمەتران دكەڤیتە رۆژهەلاتا باژێرێ حەسەکە ل رۆژئاڤایێ کوردستانێ، زێدەتر ژ 50 هزار کەس ژ خێزانێن داعش و پەنابەرێن عیراقێ و کۆچبەرێن سووری تێدا ئاكنجینە.
