رێڤەبەرییا گشتییا باژێرڤانیان ل پارێزگەها دهۆكێ ڕاگەهاند، ل سه‌نته‌رێ قه‌زا سێمێلێ ژ لایێ باژێرڤانیا سێمێلێ ڤه پرۆژه‌یێ ڤه‌كرن و قێركرنا جاددێن ناڤخۆ ب كۆژمێ ملیاره‌ك و 854 ملیۆن دیناران دهێته بجهئینان.
رێڤەبەرییا گشتییا باژێرڤانیێ دیاركر، ئه‌ڤ پرۆژه ل هەیڤا 10 یا سالا بووری ده‌ستپێكریه و دەمێ پرۆژه‌ی 365 رۆژن و ب درێژاهیا حه‌فت كیلومه‌تر و نیڤان جادده دهێنه چێكرن و ب درێژاهیا 300 مه‌تران ئاڤرێژ دهێنه چێكرن.
دیار به‌حری ره‌سول، رێڤه‌به‌رێ گشتییێ باژێرڤانیان ل پارێزگه‌ها دهۆكێ دگه‌ل خالد سلێمان، جێگرێ رێڤه‌به‌رێ گشتی و شانده‌كێ رێڤه‌به‌رییا گشتی و سه‌رۆكێ باژێرڤانیا سێمێلێ سه‌ره‌دانا پرۆژێ ناڤبری كرن و ژ نێزیك ل قوناغێن بجهئینانا پرۆژه‌ی ئاگه‌هداربوون.
رێڤه‌به‌رێ گشتی د سه‌ره‌دانا خۆ دا دووپات ل سه‌ر وێ یه‌كێ كر كو ب زووترین ده‌م پرۆژه ب دوماهیك بهێت و ب كوالێتیه‌كا باش و بلند قوناغێن كاری بهێنه بجهئینان و به‌رده‌وام بن د خزمه‌تا خه‌لكێ ده‌ڤه‌را سێمێلێ دا.
