وه‌زاره‌تا ڤه‌گوهاستن و گه‌هاندنا حكومه‌تا هه‌رێما كوردستانێ پشتى بیڤه‌له‌رزا توركیا و باكوورێ كوردستانێ چه‌ند رێنمایى به‌لاڤكرن و ڕاگه‌هاند، دوماهى هاتنا بیڤه‌له‌رزێ رامانا هندێ ناده‌ت مه‌ترسى ب دوماهى هاتبیت.
دیار ژى كریه، دوماهى هاتنا بیڤه‌له‌رزێ دوماهى رامانا هندێ ناده‌ت كو دوماهى ب مه‌ترسیێ هاتبیت، ره‌نگه ئه‌ڤ بیڤه‌له‌رزه یا وێرانكه‌ر نه‌بیت ژثێش وێڤه ئه‌وا پشتى ده‌مه‌كێ دى دهێت، ئه‌ڤه باشترین ئه‌گه‌ره پێگیربین ب رێنمایێن ده‌ستهه‌لاتێن په‌یوه‌ندیدار.
رێنمایێن وه‌زاره‌تا ڤه‌گوهاستن و گه‌هاندنێ ده‌مێ روویدانا بیڤه‌له‌رزه‌كێ د ئاڤاهیه‌كێ بلند دا:
1 – ده‌مێ هه‌ست ب بیڤه‌له‌رزێ دكەی دده‌مه‌كیدا ل ژووره‌كێ بی یان دناڤ ئاڤاهیه‌كێ بلندابى، پێدڤییه بچیه لبن قه‌په‌كا ستیر یان یا قایم.
2 – ئه‌گه‌ر نه‌شیى خۆ ڤه‌شێرى بزاڤان بكه ل كوژیەكێ ژووره‌كێ خۆ بگرى و بزاڤان بكه ژ په‌نجه‌رێ دوویر بكه‌ڤى.
3 – ئاگه‌هدارى كه‌فتنا سه‌قف و دیواران بن.
4 – بزاڤان بكه تشته‌كێ بدانیه لسه‌ر سه‌رێ خۆ.
5 – ئاگه‌هدارى وان تشتێن لسەر ره‌فاتێن بلنددابن ره‌نگه بكه‌ڤنه خوارێ.
6 – ئاگه‌هدارى وان پرابن یێن ئاڤاهى پێكڤه گرێداى.
7 – باشتره ده‌ره‌جا بكاربینى ل جهێ مه‌سعه‌دێ ده‌مێ ره‌ڤینێ.
8 – نه‌ڤه‌گه‌رنه دناڤ ئاڤاهى پشتى بیڤه‌له‌رز ب دوماهى دهێت، هەتا پشتراست نه‌بن ئاڤاهیێ سلامه‌ته.
رێنمایێن وه‌زاره‌تا ڤه‌گوهاستن و گه‌هاندنێ ده‌مێ روودانا بیڤه‌له‌رزێ د مالاندا:
1 – ژمال ده‌ركه‌ڤن.
2 – ئه‌گه‌ر نه‌شێى بده‌كه‌ڤى هه‌ره لبن پارچه قه‌نه‌په‌كا قایم.
3 – دیركه‌ڤه ژ كه‌فتنا سه‌قف و كه‌لوپه‌لان.
4 – ژ كه‌ره‌ستێن لسه‌ر ره‌فاتكان دیركه‌ڤه.
5 – بزاڤان بكه تشته‌كێ بدانیه لسه‌ر سه‌رێ خۆ سه‌رێ ته بپارێزیت.
6 – نه‌ڤه‌گه‌رنه دناڤ ئاڤاهى پشتى بیڤه‌له‌رز ب دوماهیك دهێت، هەتا پشتراست نه‌بن ئاڤاهیێ ب سلامه‌ته.
