كورسیێن په‌رله‌مانی چاوان ل سه‌ر بازنان هاتینه‌ دابه‌شكرن

د كۆمبوونا ئه‌ڤرۆ یا ده‌زگه‌هێ هه‌لبژارتنێن پارتى و ئێكه‌تیێ ل دۆر 4 مادده‌یێن راستڤه‌كرنا یاسایا هه‌لبژارتنێن هه‌رێما كوردستانێ رێككه‌فتن، لێ نه‌شیان ل دۆر كورسیێن كۆتا یێن پێكهاته‌یان رێكبكه‌ڤن.
ل دووڤ پێزانینێن ئاژانسا خانی 24 كۆرسی بۆ دهۆكێ هاتینه‌ دانان كو ژمارا ئاكنجیێن وی ملیونه‌ك و 326 هزار و 558 كه‌سن و بۆ هه‌ولێرێ 35 كورسی هاتینه‌ دانان كو هژمارا ئاكنجیێن وێ ملیونه‌ك و 903 هزار و 609 كه‌سن و بۆ سلێمانیێ و هه‌له‌بجه‌ ژی 41 كۆرسی هاتینه‌ دانان كو هژمارا ئاكنجیێن وێ دوو ملیۆن و 219 هزار و 193 كه‌سن و هێشتا پرسا كۆرسیێن كۆتایا پێكهاته‌یان ئێكلانه‌بوویه‌.