<h3 style="text-align: justify;"><span style="font-size: 18pt;">هه‌یمان ته‌حسین رێڤه‌به‌رێ گشتییێ پارتان ل كۆمیسیۆنا هه‌لبژارتنێن عیراقێ راگه‌هاند، جه‌لیل عه‌دنان سه‌رۆكێ كۆمیسیۆنا هه‌لبژارتنێن عیراقێ ده‌ست ژ كاركێشانا خوه پێشكێشكر.</span></h3> <h3 style="text-align: justify;"><span style="font-size: 18pt;">د. هه‌یمان ته‌حسین رێڤه‌به‌رێ گشتییێ پارت و رێكخستنێن سیاسى ل كۆمیسیۆنا بلندا سه‌ربه‌خۆ یا هه‌لبژارتنێن عیراقێ دیاركر، دادوه‌ر جه‌لیل عه‌دنان خه‌له‌ف سه‌رۆكێ كۆمیسیۆنا بلندا سه‌ربه‌خۆ یا هه‌لبژارتنێن عیراقێ ده‌ست ژ كاركێشانا خوه پێشكێشى فایه‌ق زێدان سه‌رۆكێ جڤاتا بلندا دادوه‌رییا عیراقێ كر.</span></h3> <h3 style="text-align: justify;"><span style="font-size: 18pt;">وه‌كو ئه‌و به‌رپرسێ كۆمیسیۆنێ دبێژیت، پێشتر سه‌رۆك و ئه‌ندامێن جڤاتا بلندا كۆمیسیاران ژلایێ سه‌رۆكێ جڤاتا بلندا دادوه‌رییێ ڤه هاتبوونه دیاركرن، له‌وما سه‌رۆكێ كۆمیسیۆنێ ده‌ست ژ كاركێشانا خوه پێشكێشى سه‌رۆكێ جڤاتا بلندا دادوه‌رییا عیراقێ كر.</span></h3> <h3 style="text-align: justify;"><span style="font-size: 18pt;">ئێك ژ داخوازێن سه‌ره‌كییێن چارچووڤێ هه‌ماهه‌نگییا شیعان گوهۆرینا سه‌رۆكێ كۆمیسیۆنا بلندا سه‌ربه‌خۆ یا هه‌لبژارتنان بوو، ئه‌وان سه‌رۆكێ كۆمیسیۆنێ ب كه‌سه‌كێ نێزیكى ره‌وتا سه‌درى تومه‌تبار دكر.</span></h3> <h3 style="text-align: justify;"><span style="font-size: 18pt;">هه‌روه‌سا عه‌لى فه‌یسه‌ل ده‌حام سكرتێرێ گشتییێ جڤاتا كۆمیسیاران دراگه‌هاندنه‌كێدا دبێژیت: دادوه‌ر جه‌لیل عه‌دنان خه‌له‌ف سه‌رۆكێ كۆمیسیۆنا بلندا سه‌ربه‌خۆ یا هه‌لبژارتنان ده‌ست ژ كاركێشا.</span></h3>
