مەسرور بارزانى، سه‌رۆكێ حکومەتا هه‌رێما كوردستانێ، ئەڤرۆ پێشوازى ل شاندەكێ ئه‌لمانى كر كو پێكهاتبوو ژ يۆخن فلاسبارت، جێگری وه‌زيرێ ده‌وله‌ت بۆ هاريكاريیا ئابوورى و گه‌شه‌پێدان و ڤێرنه‌ر گاتسەر، جێگرێ وه‌زيرێ ده‌وله‌ت بۆ كارۆبارێن دارايى.
هەروەسا باليۆزێ ئه‌لمانيا ل عیراقێ و كونسۆلێ گشتيیێ ئه‌لمانيا ل هه‌ولێرێ ئاماده‌بوون، دانوستاندن لدۆر گرنگیدانا په‌يوه‌ندييێن ئه‌لمانيا و هه‌رێما كوردستانێ و چارەسەرکرنا ئاریشەیێن هەرێم و حکومەتا فیدرال کر.
سەرۆکێ حکومەتێ سوپاس و پێزانین بۆ پشتەڤانییا ئەلمانیا ل هەرێما کوردستانێ دیاركر، ب تایبەتی د بەرهنگاربوونا تیرۆریستێن داعش، هەروەسا بۆ ب جینوسایدناساندنا کۆمەلکوژییا ئێزیدییان، خواستییا حکومەتا هەرێما کوردستانێ ژی بۆ پێشڤەبرنا پەیوەندییان دگەل ئەلمانیا د هەمی بواراندا دووپاتكر.
مەسرور بارزانى و شاندێ ئەلمانییا، چاكسازییا كابینەیا نەهێ یا تایبەتی ب دیجیتالكرنا خزمەتگوزارییێن گشتی و رەوشا كەمپێن ئاوارە و پەنابەران و زەمینەخوشكرن بۆ ڤەگەڕاندنا ئارەزوومەندیی و گرنگییا جێبەجێكرنا رێكه‌ڤتنا شنگالێ، و كاریگەرییا نەرێنی یێن گهۆرینێن سەقایی گۆتۆبێژكرن.
هەروەسا سەرۆكێ حكومەتێ دووپاتی ل گرنگییا ئەنجامدانا هەلبژارتنێن پەرلەمانێ کوردستانێ د دەمێ دیاركری د ئەڤسالەدا كر.
