سەرۆک وەزیرێن ئسرائیلێ قۆرچا دووێ یا ڤاکسینێ دژی کۆرۆنایێ وەرگرت و راگەھاند، تا ھەیڤا ئادارا ئەڤسالە ھەمی وەلاتیێن ئیسرائیلی دێ ڤاکسینێ دژی کۆرۆنایێ وەرگرن.
بنیامین نەتەنیاھۆ، سەرۆک وەزیرێن ئسرائیلێ ل دەمێ وەرگرتنا قۆرچا دووێ یا ڤاکسینێ فایزەر و بایۆنتیک راگەھاند، ئەو دگەل رێڤەبەرێ گشتی یێ کۆمپانییا فایزەر ئاخفتییە و داخاز ژێ کرییە قۆرچێن زێدەتر یێن ڤاکسینێ کۆرۆنایێ بۆ ئسرائیلێ دابین بکەت.
دیار ژی کر، ب گەھشتنا ڤاکسینی د دەمێ دوو ھەیڤان دا یان دووماھییا ھەیڤا ئادارێ ھەمی وەلاتیێن سەر ژیێ شازدە سالیێ ل وەلاتێ وی دێ ڤاکسینێ کۆرۆنایی وەرگرن.
ل ٢٠ی ھەیڤا بووری، ھەوا ڤاکسیندانا ب کۆمەل ل ئسرائیلێ دەستپێکرییە و تا نھا ملیۆنەک و ٨١٧ ھزار کەسان ڤاکسینێ کۆمپانییا فایزەر و بایۆنتیک وەرگرتییە.
