وه‌زاره‌تا په‌روه‌ردێ یا حكومه‌تا هه‌رێما كوردستانێ نڤیساره‌ك ئاراسته‌ى هه‌موو رێڤه‌به‌رییێن گشتىیێن په‌روه‌رده‌یێن پارێزگه‌هـ و ئیداره‌یێن سه‌ربه‌خۆ كر سه‌باره‌ت چه‌وانییا دیاركرنا سێ یێن ده‌ستپێكێ یێن پۆلا 12ێ ئاماده‌یى.
د خالا ئێكێ یا نڤیسارێدا ئاماژه ب هندێ هاتییه دان، هه‌ر سێ قوتابییێن ئێكێ یێن هه‌ر لقه‌كى ژ لقێن پۆلا 12ێ ئاماده‌یى ( زانستى، وێژه‌ى و پیشه‌یى ) دێ ل سه‌ر بنه‌مایێن بنلدترین كۆیا نمره‌یێن دخۆلا ئێكێ یا تاقیكرناندا بده‌ستڤه‌برین بیت، ب وى مه‌رجى سالا ئێكێ یا خواندنا قوتابى بیت، ئانكو كه‌ڤتییێ پار سال نه‌بیت.
د خاله‌كا دیداهاتییه، ئه‌گه‌ر كۆیا دوو قوتابییان یه‌كسان بوو، ناڤێن وان دێ ل دووڤ رێزبه‌ندییا پیتێن ئه‌لف و بێ یا كوردى هێنه راگه‌هاندن.
هه‌روه‌سا بۆ لقێ زانستى یێ پۆلا 12ێ ئاماده‌یى هاتییه، دێ ب تنێ كۆ نمره‌یا بابه‌تێن ( كوردى، عه‌ره‌بى، ئینگلیزى، بیركارى، فیزیا، كیمیا و زینده‌وه‌ر) هێته هژمارتن.
بۆ لقێ وێژه‌یى ژى دێ كۆ نمره‌یا بابه‌تێن ( ئینگلیزى، كوردى، عه‌ره‌بى، بیركارى، مێژوو، جوگرافى و ئابوورى ) هێته هژمارتن.
