<h3 style="text-align: justify;"><span style="font-size: 18pt;">ده‌سته‌یا ده‌ستپاكییێ ل عیراقێ راگه‌هاند، سه‌رۆكێ پێشتر یێ جڤاتا پارێزگه‌ها نه‌ینه‌وا، ب تومه‌تا گه‌نده‌لییێ 15 سالان هاته زیندانكرن.</span></h3> <h3 style="text-align: justify;"><span style="font-size: 18pt;">فه‌رمانگه‌ها لێكۆلینێن سه‌ر ب ده‌سته‌یا ده‌ستپاكییا عیراقێ دراگه‌هاندنه‌كێدا دیاركر، دادگه‌ها تاوانێن ره‌سافه ب تومه‌تا گه‌نده‌لییێ سزایێ 15 سالێن زیندانكرنێ بۆ سه‌رۆكێ پێشتر یێ جڤاتا پارێزگه‌ها نه‌ینه‌وا ده‌ركر كو دراگه‌هاندنێدا ناڤێ وى نه‌ئینایه و ئاماژه ب پوستێ وى ژى نه‌كرییه.</span></h3> <h3 style="text-align: justify;"><span style="font-size: 18pt;">راگه‌هاند ژى، سه‌رۆكێ پێشتر یێ جڤاتا پارێزگه‌ها نه‌ینه‌وا دگه‌ل تومه‌تباره‌كێ دى ره‌ڤییه، كو ژ ئێكى ته‌مموزا 2015ێ دگه‌ل كه‌سه‌كێ دى هه‌تا ئێكى نیسانا 2017ێ ده‌ست ب سه‌ر مووچه‌یێ هه‌یڤانه یێ فه‌رمانبه‌ره‌كیدا گرتبوو كو دوى ده‌میدا ئه‌وى فه‌رمانبه‌رى بۆ ماوێ چار سالان مووله‌ت وه‌رگرتبوو.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا سزایێ وى پشتبه‌ستن ب سه‌ر مادده‌یێ ( 315 ) ژ قانوونا سزایێن عیراقێ بۆ ده‌ركه‌ڤتییه.</span></h3>
