داعش هێرشی سوپایێ عیراقێ کر

ژ ئەنجامێ هێرشەکا ڕێکخراوا تیرۆرستییا داعش ل باشوورێ باژێڕێ کەرکووکێ، سەربازەکێ سوپایێ عیراقێ برینداربوو.

 د ڕاگەهاندنەکا شانه‌یا راگه‌هاندنا ئەمنی یا عیراقێدا ئاماژه‌ کریە، رێکخراوا تیرۆرستییا داعش ل نێزیک دۆلا زەگەتوون ل باشوورێ باژێڕێ کەرکووکێ تڕۆمبێلەکا سەربازی یا سوپایێ عیراقێ کو د ئەرکێ خۆ دابوون کرە ئارمانج.

دیارکریە ژی، ل دەمێ دەربازبوونا تڕۆمبێلا سەربازی یا سوپایێ عیراقی، تیرۆرستێن داعش ژ دوورڤە ئەو بۆمبەیە پەقاندیە کو پێشتر ل سەر ڕێکێ دانابوو.

ئاشکرا کریە ژی، ژ ئەنجامێ وێ پەقینێ سەربازەک برینداربوو، هەر وەسا ئۆپەڕاسیۆنەکا پاقژکرنا وێ دەڤەرێ ب بەرفرەهی دەستپێکریە.