په‌رله‌مانتاره‌ك: دبیت نەفتا هەرێما کوردستانێ بۆ ئیرانێ و ئوردنێ بهێته‌ هنارتن

ئاژانسا خانی:

ئەندامه‌كێ لژنا نەفت و وزێ ل پەرلەمانێ عێراقی دبێژیت: دبیت نەفتا هەرێما کوردستانێ بۆ ئیرانێ و ئوردنێ بهێته‌ هنارتن و ببیتە پشكه‌ك ژ وێ رێککەفتنا ئابووری ئه‌وا دناڤبه‌را بەغدا و ئیرانێ دا هاتییه‌ ئیمزا کرن” هه‌روه‌سا حکومەتا عێراقێ یا پابەندە ب هنارتنا شایستەیێن دارایی یێن هەرێما کورستانێ.

د. سەباح سوبحی، ئەندامێ لژنا نەفت و وزێ ل پەرلەمانێ عێراقێ، زێده‌تر بۆ ئاژانسا خانی دیار كر: نوكه‌ ل بەغدا و هنده‌ك باژیرێن باشوورێ عێراقێ پێدانا ده‌مژمێرێن کارەبێ کێمکرینە و پلێن گەرمێ بلند بووینه‌، دیسان مەترسییا ئەنجامدانا خۆنیشاندانان ژ لایێ ئاكنجی یێن ئەوان باژێران هەنە، ئه‌ڤێ وه‌كرییه‌ كو حکومەتا عێراقێ پینگاڤان بۆ چارەسەرکرنا ئەوان کێشانان بهاڤێژیت و  گازا پێدڤی بۆ وێستگەهێن بەرهەمئینانا کارەبێ دابین بکه‌ت.

ناڤهاتی ئه‌و ژی گۆت: ده‌مێ شاندێ توركیا هاتییه‌ به‌غدا” چو ده‌م بۆ ده‌ستپێكرنا نه‌فتا هه‌رێما كوردستانێ ب رییا توركیا دیار نه‌كرن” هه‌روه‌سا نه‌چوونا نه‌فتا هه‌رێمێ دێ كارتێكرنێ ل بودجه‌یا هه‌ردو ئالییان كه‌ت و دیسان هه‌كه‌ پاره‌ بۆ عیراقێ ژ وێ نه‌فتێ نه‌هێت دێ زیان گه‌هیته‌ عیراقێ ژی” من باوه‌ری هه‌یه‌ د ماوێ دو حه‌فتی یێن بهێن دا نه‌فتا هه‌رێمێ بهێته‌ هنارتن و نه‌فتا كوردستانێ دێ بۆ ئیرانێ هێته‌ هنارتن و دبیت 100 هه‌تا 150 هزار به‌رمیل رۆژانه‌ بهێنه‌ هنارتن” هه‌روه‌سا ب رێیا تانكان دێ نه‌فتا هه‌رێمێ بۆ وه‌لاتێ ئوردنێ ژی هێته‌ ره‌وانه‌كرن.