مەسرور بارزانی، سەرۆكێ حكومەتا هەرێما كوردستانێ ئەڤرۆ پەیامەك ئاراستەی بنەمالا محەمەد میرزا یونس سۆفی كر.
دەقێ پرسەنامەیا سەرۆكێ حكومەتا هەرێما كوردستانێ:
شەڤا بووری و د كریارەكا گومانكریدا، ترۆمبێلا عەمیدێ خانەنشین “محەمەد میرزا یونس سۆفی” دناڤ باژێرێ زاخۆ پەقی و د ئەڤێ چەندێ دا ئەڤ ئەفسەرێ ماندوونەناسێ جڤاتا ئاسایشا هەرێما کوردستانێ شەهید بوو.
د ئەڤێ ڕۆژێدا پرس و سەرەخۆشییێن خۆ ئاراستەی مالبات و کەسوکار و هەڤالێن شەهید دکەم و ژ خودایێ مەزن دخوازم جهێ وی ب بەهشتا بەرین بیت و سەبروهەدارێ بگەهینتە كەسوكارێن وی.
ژبەر ئەڤێ چەندێ دامودەزگەهێن پەیوەندیدار مە ڕاسپاردینە ڤەكۆلینێن هویر لدۆر ڕوودانێ بكەن و ئەوان دەستان ئاشكەرا بكەن كو یێن پشت ب ئەڤێ تاوانێ هەین.
مەسرور بارزانی
سەرۆکی حکومەتی هەرێمی کوردستان
24-07-2023
