<h3 style="text-align: justify;"><span style="font-size: 18pt;">كۆمیسیۆنا بلندا سه‌ربه‌خۆ یا هه‌لبژارتنان پێشكێشكرنا لیستا ناڤێن به‌ربژاران بۆ هه‌لبژارتنێن جڤاتا پارێزگه‌هێن عیراقێ كو ئه‌ڤرۆ دووماهى ژڤان بوو، بۆ ماوێ دوو رۆژێن دى درێژكر، هه‌روه‌سا بریاردا ژماره 56 ژ زنجیره‌یا لیستا ناڤێن به‌ربژاران هه‌لبگریت.</span></h3> <h3 style="text-align: justify;"><span style="font-size: 18pt;">عیماد جه‌میل سه‌رۆكێ تیما رۆژنامه‌ڤانییا كۆمیسیۆنا بلندا سه‌ربه‌خۆ یا هه‌لبژارتنێن عیراقێ راگه‌هاند، د كۆمبوونا ئه‌ڤرۆدا، جڤاتا كۆمیسیاران بریاردا ژڤانێ پێشكێشكرنا ناڤێن به‌ربژاران بۆ هه‌لبژارتنێن جڤاتا پارێزگه‌هان بۆ دوو رۆژێن دى بهێته درێژكرن، دووماهى ژڤان بۆ پێشكێشكرنا لیسته‌یان رۆژا سێشه‌مبى 20ى ته‌باخێ یى و هه‌تا دووماهییا ده‌واما فه‌رمى دشیاندایه لیسته‌یا ناڤان بهێته پێشكێشكرن.</span></h3> <h3 style="text-align: justify;"><span style="font-size: 18pt;">سه‌باره‌ت هه‌لگرتن و لادانا زنجیره‌یا 56 ژ لیسته‌یا ناڤێن پێشكێشكرى، عیماد جه‌میل گوت : د زنجیره‌یا ناڤێن ئه‌وان لیسته‌یێن دهێنه پێشكیشكرندا، نابیت ژماره 56 تێدا بیت و ئه‌ڤرۆ بریار ل دۆر وێ چه‌ندێ هاته دان، ژبه‌ركو ئه‌وێ ژماره‌یێ ل عیراقێ ئاماژه‌یێن خراب هه‌نه.</span></h3>
